Stołtenbierh: Nielha dapuścić zaležnaści ad Kitaja, jak heta raniej było z Rasijaj
Hienieralny sakratar NATA taksama kaža, Kitaj pavinien spynić padtrymku Rasii ŭ vajnie suprać Ukrainy, kali choča mieć dobryja adnosiny z Zachadam.
Hienieralny sakratar NATA Jens Stołtenbierh zajaviŭ, što Zachad nie pavinien dapuścić trapleńnia ŭ zaležnaść ad kitajskich resursaŭ, jak heta raniej było z rasijskimi naftaj i hazam, jon taksama padkreśliŭ, što Kitaj pavinien spynić padtrymku RF u vajnie suprać Ukrainy, kali choča mieć dobryja adnosiny z Zachadam, piša «Jeŭrapiejskaja praŭda».
Stołtenbierh kaža, što Rasija krytyčna maje patrebu ŭ padtrymcy Kitaja, jaki padsiłkoŭvaje jaje vajenna-pramysłovy kompleks, pastaŭlajučy vysokatechnałahičnyja tavary, u pryvatnaści, paŭpravadniki.
«U minułym hodzie Rasija impartavała z Kitaja 90% svajoj mikraelektroniki, jakaja vykarystoŭvajecca dla vytvorčaści rakiet, tankaŭ i samalotaŭ. Kitaj taksama pracuje nad tym, kab dać Rasii palepšanyja spadarožnikavyja mahčymaści i zdymki», — kaža jon.
Jon taksama nahadaŭ, što Kitaj zajaŭlaŭ ab žadańni mieć dobryja adnosiny z Zachadam.
Sa słoŭ Stołtenbierha, niemahčyma «mieć i toje, i inšaje»: padsiłkoŭvać rasijskuju vajnu i mieć dobryja stasunki z Zachadam.
Hienieralny sakratar NATO taksama pieraściaroh zachodnich sajuźnikaŭ ad trapleńnia ŭ takuju ž zaležnaść ad Kitaja, jak i ad Rasii.
«U minułym my ździejśnili pamyłku, patrapiŭšy ŭ zaležnaść ad rasijskich nafty i hazu. My nie pavinny paŭtarać hetuju pamyłku z Kitajem. Zaležnaść ad jaho hrošaj, syraviny, technałohij robić nas uraźlivymi», — padkreśliŭ Stołtenbierh.
Kamientary
Nadiejuś čto putien proiźvieł falstart i čto zapad uśpiejet nazad industrializovaťsia i vooružitsia,potomu čto nastojaŝij prohrieśsivnyj hłobalizm možiet byť tolko pri silnom zapadie,inačie pohibiel,potomu čto ich vsiech śliškom mnoho.