U 2020-m muž schłusiŭ KDB, što žonka ŭdzielničaje ŭ mitynhach, tamu što «siamja razvalvałasia»
Siarod zvarotaŭ, dasłanych u KDB, «Naša Niva» znajšła palityčny danos muža na žonku.
U 2020-m hodzie Pavieł Truškievič dasłaŭ u orhany paviedamleńnie z nastupnym źmiestam:
«Prošu acanić antydziaržaŭnyja dziejańni majoj žonki. Jana źjaŭlajecca arhanizataram i aktyŭnym udzielnikam mitynhaŭ i supraćpraŭnych dziejańniaŭ suprać dziaržaŭnaj ułady».
Čamu Pavieł pajšoŭ na taki žorstki krok suprać žonki?
«U nas byli siamiejnyja prablemy, ciažkaja siamiejnaja situacyja, skažam tak. Pa jaje vinie siamja razvalvałasia, i ja na jaje mocna pakryŭdziŭsia», — patłumačyŭ Truškievič čytaču «NN».
Jon raskazvaje, što škaduje, bo tady paddaŭsia emocyjam. I śćviardžaje, što adrazu sprabavaŭ adklikać svoj zvarot.
«Ja na nastupny ž dzień zvarot adklikaŭ. Chaču jaho i zaraz adklikać dadatkova, kali treba, i źniapraŭdzić. Heta nieaktualnaja infarmacyja.
Nasamreč, ja nie bačyŭ, ci ŭdzielničaje jana ŭ mitynhach: ja lažaŭ tady doma z kavidam, chvareŭ. Ja prosta na žonku pakryŭdziŭsia. Ciapier my nie žyviem razam, u razvodzie. Kožny žyvie svaim žyćciom».
@nashanivanews «Kibierpartyzany» apublikavali 40 000 danosaŭ ad biełarusaŭ. Ale ci ŭsio heta mienavita danosy? #biełaruś #biełorusy #milicijabiełarusi #khb #našaniva #novostibiełarusi ♬ Stargazing (Slowed + Reverb) - Marcelo De Carvalho
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary