Hienprakuratura nakiravała ŭ sud spravu «analitykaŭ Cichanoŭskaj» i vybrała «kiraŭnika»
Kryminalnuju spravu ŭ paradku śpiecvytvorčaści raspačaŭ u studzieni Śledčy kamitet, abjadnaŭšy ŭ «ekstremisckaje farmavańnie» dva dziasiatki ekśpiertaŭ.
Śpiecvytvorčaść była raspačataja ŭ dačynieńni da Ryhora Astapieni, Filipa Bikanava, Alaksandra Dabravolskaha, Juryja Drakachrusta, Andreja Kazakieviča, Hanny Krasulinaj, Jaŭhiena Kryžanoŭskaha, Dzianisa Kučynskaha, Vieraniki Łapućki, Alaksandra Łahvinca, Hanny Lubakovaj, Vasila Navumava, Maryi Rahavoj, Piatra Rudkoŭskaha, Lesi Rudnik, Natalli Rabavaj, Paŭła Usava, Taćciany Čulickaj, Alaksandra Šłyka, Kaciaryny Šmacinaj.
U SK ličać, što « analityki Cichanoŭskaj» vypracoŭvali stratehiju i taktyku dla baraćby ź biełaruskimi ŭładami, rychtavali tezisy publičnych vystupaŭ dla Cichanoŭskaj i publikacyi ŭ «destruktyŭnych» resursach, «nakiravanyja na aktyvizacyju pratestnych nastrojaŭ i pahłybleńnie raskołu ŭ biełaruskim hramadstvie, uzmacnieńnie palityčnaha i ekanamičnaha cisku na Respubliku Biełaruś».
Ciapier Hienprakuratura abvinavačvaje nazvanych ludziej pa nastupnych artykułach:
zmova z metaj zachopu dziaržaŭnaj ułady niekanstytucyjnym šlacham (č. 1 art. 357 Kryminalnaha kodeksa);
udzieł u ekstremisckim farmiravańni — uvachodžańnie ŭ skład takoha farmavańnia ŭ metach ździajśnieńnia złačynstva ekstremisckaj nakiravanaści (č. 3 art. 361-1);
dapamahańnie ŭ publičnych zaklikach da zachopu dziaržaŭnaj ułady; ździajśnieńnia inšych dziejańniaŭ na škodu nacyjanalnaj biaśpiecy zaklikach, źviernutych da zamiežnaj dziaržavy, zamiežnaj i mižnarodnaj arhanizacyi, ździejśnić dziejańni na škodu nacyjanalnaj biaśpiecy Respubliki Biełaruś z vykarystańniem srodkaŭ masavaj infarmacyi i sietki Internet (č. 6 art. 16, č. 3 art. 361 (u redakcyi ad 26 maja 2021 hoda);
dapamahańnie ŭ naŭmysnych dziejańniach, nakiravanych na ŭzbudžeńnie sacyjalnaj varožaści i varožaści pa prykmiecie inšaj sacyjalnaj prynaležnaści, učynienych hrupaj asob (č. 6 art.16, č. 3 art. 130 Kryminalnaha kodeksa).
Abvinavačvańnie ŭ kiraŭnictvie «ekstremisckim farmavańniem» vystaŭlenaje Alaksandru Dabravolskamu.
Viarchoŭny sud nakiravaŭ spravu dla razhladu ŭ Minski abłasny sud.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku27
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary