Minharvykankam nie zarehistravaŭ hramadskaje abjadnańnie «Bieśśmiarotny połk»
Minharvykankam admoviŭsia zarehistravać hramadskaje abjadnańnie «Bieśśmiarotny połk», u vyniku čaho jahonyja aktyvisty padali skarhu ŭ Minski haradski sud. Jak vynikaje z raskładu na sajcie Viarchoŭnaha suda, jana budzie razhledžanaja sudździoj Alenaj Kruk 21 traŭnia, zaŭvažyŭ Reform.news.
Zajaŭnikami vystupajuć Valeryj Drako, Vasil Zielikaŭ, Andrej Ivanoŭ, Alaksandr Ramańkoŭ, Hienrych Simanoŭski i Leanid Školnikaŭ.
Letaś Minharvykankam nie dazvoliŭ pravieści šeście «Bieśśmiarotny połk», jakoje płanavali prychilniki «ruskaha śvietu» ŭ Biełarusi. Staršynioj arhkamiteta prapahandysckaj akcyi vystupaŭ tady zhadany ciapier u liku zajaŭnikaŭ pozvy ŭ sud Valeryj Drako.
Sioleta prarasijskija aktyvisty zajavili, što «Bieśśmiarotny połk» budzie praviedzieny ŭ ramkach aficyjnych śviatočnych mierapryjemstvaŭ «Biełaruś pamiataje». Kałona «Bieśśmiarotny połk», jak miarkujecca, budzie iści ŭ składzie kałony «Šeście pakaleńniaŭ», i taki farmat nibyta niadaŭna ŭchvaliŭ Łukašenka na sustrečy z rasijskim pasłom u Biełarusi Barysam Hryzłovym. Dekłarujecca, što siarod inšych u šeściach u Minsku i abłasnych haradach voźmuć udzieł rasijskija dypłamaty.
Šeście «Bieśśmiarotny połk» pravodzicca ŭžo bolš za 10 hadoŭ. Ideja prajści pa vulicach z partretami svajakoŭ-frantavikoŭ upieršyniu źjaviłasia ŭ Tomsku ŭ 2012 hodzie, paśla stała papularnaj, i takija šeści stali prachodzić pa ŭsioj Rasii 9 maja.
Spačatku hetaja akcyja była hramadskaj inicyjatyvaj, ale z 2015 hoda rasijskija ŭłady pačali aktyŭna ŭdzielničać u arhanizacyi «Bieśśmiarotnaha pałka» i zrabili jaho aficyjnym mierapryjemstvam. Ale ŭ minułym hodzie jaho ŭ Rasii admianili ź mierkavańniaŭ biaśpieki, u hetym hodzie paviedamlałasia, što jaho taksama tam nie budzie. A voś pravieści jaho ŭ Biełarusi dla miascovych prarasijskich siłaŭ, dy, vidać, i dla samoha Kramla — sprava pryncypu.
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda20
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary