Łukašenka zahadaŭ vykaraniać kasiaki i śvistaplasku ŭ Akademii kiravańnia
Alaksandr Łukašenka, prymajučy rašeńnie ab naznačeńni novaha rektara Akademii kiravańnia, pastaviŭ zadaču likvidavać prabieły ŭ kadravaj rabocie i zrabić VNU najlepšaj u krainie, piša BiełTA.
Kiraŭnikom Akademii kiravańnia pryznačany Dzianis Duk, jaki da hetaha času pracavaŭ rektaram Mahiloŭskaha dziaržaŭnaha ŭniviersiteta imia Kulašova.
«Śvistaplaska z kadrami ŭ Akademii kiravańnia niedapuščalnaja. Heta strašny kasiak Administracyi, — skazaŭ Alaksandr Łukašenka, źviartajučysia da kiraŭnika svajoj Administracyi Dźmitryja Krutoha.
Novaha rektara VNU Łukašenka zaryjentavaŭ na efiektyŭnuju pracu dziela taho, kab vyvieści akademiju ŭ lidary, ale i papiaredziŭ, što Mahiloŭski dziaržaŭny ŭniviersitet nie pavinien zastacca biez uvahi — tudy nieabchodna padabrać dastojnuju kandydaturu na vyzvalenuju pasadu rektara.
«Ja vielmi-vielmi raźličvaju na vašu pracu ŭ Akademii kiravańnia, — skazaŭ jon. — Ale i ŭniviersitet Kulašova nie pavinien stać na kaleni. Padbirajcie novaha rektara. Pavinny być mocnyja kandydatury. Univiersitet nievialiki, ale niaprosty. Tamu padklučajsia da hetaha pytańnia, dapamahaj vyrašyć kadravaje pytańnie tam i, pamiraj, ale Akademija kiravańnia pavinna być lepšaj u krainie», — źviarnuŭsia Alaksandr Łukašenka da Dzianisa Duka.
Ciapier čytajuć
Čamu my prajhrali ŭ 2020 hodzie? Razvahi Mikoły Dziadka21
Kamientary