Vyšej tolki Madahaskar: pieramoha «Mioraŭ» nad «Rasonami» 50:0 — druhaja ŭ historyi futboła
Sastupili tolki skandalnamu demaršu.
U Miorach nikoli nie było mocnaj futbolnaj kamandy ŭzroŭniu chacia b čempijanatu Biełarusi. Ale hety horad užo dakładna trapiŭ na futbolnuju kartu śvietu.
Usio praz histaryčnuju pieramohu nad «Rasonami» ŭ matčy turniru, arhanizavanaha Minsportu ŭ piku druhoj lizie Biełaruskaj fiederacyi futbołu. 4 maja «Miory» razhramili supiernika ź likam 50:0.
Hety anamalny vynik staŭ druhim u śpisie samych bujnych pieramoh u historyi suśvietnaha futboła, zaŭvažyŭ «BM».
Matč u Miorach sastupiŭ tolki hulni čempijanatu Madahaskara pamiž kamandami «Adema» i «Ł'emirn», jakaja zaviaršyłasia ź nievierahodnym likam 149:0 i ŭvajšła ŭ Knihu rekordaŭ Hinesa.
Taja sustreča prajšła ŭ 2002 hodzie. Za tur da kanca čempijanatu sudździa pazbaviŭ «Ł'emirn» šancaŭ na tytuł, pryznačyŭšy ŭ jaho varoty niespraviadlivy pienalci na apošniaj chvilinie. Čempijonstva dastałasia «Ademie», jakaja jakraz i prymała «Ł'emirn» u apošnim tury.
Hości vyrašyli zładzić samuju sapraŭdnuju akcyju pratestu. Trenier pastaviŭ pierad hulcami cikavuju zadaču: zabić jak maha bolš hałoŭ … u svaje varoty.
U vyniku matč vyhladaŭ nastupnym čynam: futbalisty «Ademy» prosta stajali i nazirali, jak hulcy «Ł'emirna» rasstrelvajuć ułasnyja varoty. Tyja za 90 chvilin paśpieli zabić 149 hałoŭ. Miač ulataŭ u varoty ŭ siarednim kožnyja 36 siekund.
Tak «Adema» trapiła ŭ Knihu rekordaŭ jak aŭtar samaj bujnoj pieramohi ŭ historyi futboła. Papiaredniaje dasiahnieńnie naležała šatłandskamu «Arbrotu», jaki ŭ 1885 hodzie razhramiŭ «Bok Akord» u Kubku Šatłandyi ź likam 36:0. Rekord pratrymaŭsia bolš za stahodździe.
«Miory» ŭ Knihu Hinesa trapić nie zmahli. Ale druhoje miesca ŭ histaryčnaj tablicy — taksama dasiahnieńnie. Jakim, praŭda, arhanizatar lihi Minsportu naŭrad ci moža hanarycca.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
dyk što - i tut niešta takoje było? bo inakš - jak zrazumieć?