Biełaruski bramnik Anton Čyčkan staŭ u składzie krakaŭskaj «Visły» uładalnikam futbolnaha Kubka Polščy. Jon staŭ pieršym u historyi biełaruskim futbalistam, jaki zavajavaŭ hety trafiej.
Pry hetym cikava, što krakaŭskaja «Visła», za jakuju hulaje Čyčkan, hulaje ciapier u druhim polskim dyvizijonie i zajmaje tam tolki piataje miesca.
U finalnym matčy «Visła» pieramahła «Pahoniu» sa Ščecina ź likam 2:1. U asnoŭny čas napieradzie byli ščecinskija futbalisty, ale na apošnich siekundach užo dadadzienaha času krakaŭskaja kamanda zdoleła zraŭniać lik. U dadatkovy čas «Visła» chutka damahłasia pośpiechu, a potym utrymała svaju pieravahu.
Da taho, jak pracaŭładkavacca ŭ «Viśle», Anton Čyčkan hulaŭ u składzie barysaŭskaha BATE, a paśla doŭha šukaŭ sabie kłub.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary