Mužčynu 50 hadoŭ. Pa źviestkach BELPOL, u Ruškieviča jość žonka i dvoje darosłych dziaciej — syn i dačka.
Ruškievič doŭha ŭ biznesie. Jon byŭ zasnavalnikam abo dyrektaram niekalkich arhanizacyj, jakija zajmalisia impartam kampjutaraŭ i kamplektujučych da ich. Apošnim časam byŭ namieśnikam dyrektara pa kamiercyjnych pytańniach kampanii «Avard Servis» i dyrektaram kampanii «SanRan».
Nieviadoma dakładna, kali jaho zatrymali, ale bolš za paŭhoda tamu. KDB uklučyŭ Ruškieviča ŭ śpis udzielnikaŭ «ekstremisckaha farmiravańnia Tryelit» jak i biznesmena Uładzimira Bałabanoviča, jakoha sudziać za zakliki da sankcyjaŭ.
Imavierna, čat uskryli praź niekaha z zatrymanych. Naprykład, u śpisie ŭdzielnikaŭ na sajcie MUS adzin ź ludziej padpisany jak «Susied Kirył».
Sud nad Vadzimam Ruškievičam pačniecca 20 maja. Sudzić Uładzimira buduć pa dvuch artykułach — č. 1 art. 342 KK («udzieł u dziejańniach, jakich hruba parušajuć hramadski paradak abo zakliki da takoha ŭdziełu») i č. 3 art. 361 KK («zakliki da sankcyj abo inšych dziejańniaŭ, nakiravanych na škodu nacyjanalnaj biaśpiecy»). Za heta jamu pahražaje ad čatyroch da dvanaccaci hadoŭ kałonii.
«Naša Niva» — bastyjon biełaruščyny
PADTRYMAĆ
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary