Pra heta pieršy namieśnik kiraŭnika Administracyi prezidenta Biełarusi zajaviła padčas rehijanalnaha sieminara ideałahičnych rabotnikaŭ Homielskaj vobłaści.
Internet pavinien rehulavacca – heta robiać praktyčna va ŭsim śviecie.
Takoje mierkavańnie vykazała ŭ piatnicu ŭ Rečycy žurnalistam pieršy namieśnik kiraŭnika Administracyi prezidenta Biełarusi Natalla Piatkievič, jakaja brała ŭdzieł u rabocie rehijanalnaha sieminara ideałahičnych rabotnikaŭ Homielskaj vobłaści.
Pavodle Natalli Piatkievič,
siońnia ŭ rehulavańni Interneta sapraŭdy zacikaŭleny ŭsie tyja, kaho cikaviać prablemy aŭtarskich pravoŭ.
Pierš za ŭsio heta ludzi tvorčych prafiesij. I kali hramadstva zhodna z tym, što aŭtarskija pravy nieabchodna baranić, značyć, internet, jak i ŭsie inšyja krynicy infarmacyi, taksama padlahaje rehulavańniu.
Pieršy namieśnik kiraŭnika Administracyi prezidenta źviarnuła ŭvahu na jašče adnu prablemu, źviazanuju ź internetam. «Baćki, carkva, absalutna ŭsio hramadstva kaža pra nieabchodnaść abarony maralnaści.
Značyć, treba pastavić u internecie zasłony, kab našy dzieci nie hladzieli toje, što ŭ inšych krynicach infarmacyi my možam zabaranić», - adznačyła jana.
Takija zasłony patrebnyja dla taho, kab zabiaśpiečyć abaronu pravoŭ čałavieka, pravoŭ vykanaŭcy, pravoŭ raspaŭsiudnika infarmacyi.
«Takaja praktyka isnuje va ŭsim śviecie, i naša kraina nie vyklučeńnie», - padkreśliła Natalla Piatkievič.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary