U Biełarusi pradstavili novy ŭdarny bieśpiłotny avijacyjny kompleks «Kvadra-M», jaki źjaŭlajecca madernizavanaj viersijaj drona «Kvadra-1400». Raspracoŭku pakazaŭ Dziaržaŭny vajskova-pramysłovy kamitet.
Pavodle aficyjnaj infarmacyi, novy bieśpiłotnik pryznačany dla paražeńnia žyvoj siły i vajskovaj techniki praciŭnika i moža vykarystoŭvacca ŭ luby čas sutak.
Asnoŭny ŭpor u novaj madeli zrobleny na dakładnaje skidańnie bojeprypasaŭ. Kvadrakoptar masaj kala 36 kiłahramaŭ zdolny nieści try supraćtankavyja bomby PTAB-2,5 abo inšuju bajavuju nahruzku ahulnaj vahoj da 10 kiłahramaŭ. Dziakujučy mahčymaści zavisańnia nad cellu dronu nie patrebnyja składanyja raźliki pry bombaskidańni.
Hałoŭnym techničnym udaskanaleńniem staŭ trochvosievy hiraskapična stabilizavany aptyčny modul. Jon uklučaje kamieru z aptyčnym pavieličeńniem, ciepłavizar i dalokamier. Takoje abstalavańnie dazvalaje apierataru nie tolki vyjaŭlać celi, ale i dakładna vyznačać ich kaardynaty dla prycelnaha ŭdaru.
Pavodle charaktarystyk, dalokaść kiravańnia bieśpiłotnikam składaje da 5 kiłamietraŭ, a pry vykarystańni retranślatara — da 10 kiłamietraŭ. Maksimalnaja chutkaść dasiahaje 72 km/h, praciahłaść palotu — da 25 chvilin. Dron moža pracavać na vyšyniach ad 500 mietraŭ i vyšej, pry hetym zastajecca mała zaŭvažnym dla praciŭnika navat na pracoŭnych vyšyniach 150—250 mietraŭ.
U Dziaržvajenpramie padkreślili, što «Kvadra-M» — heta sučasny ŭdarny bieśpiłotnik novaha pakaleńnia, adaptavany da aktualnych umoŭ viadzieńnia bajavych dziejańniaŭ.
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary