139 z vyzvalenych znachodzilisia ŭ niavoli jašče z 2022 hoda, u tym liku abaroncy Maryupala.
«Pieršy ŭ hetym hodzie abmien. Siońnia my viarnuli dadomu jašče 157 ukraincaŭ — vajskoŭcaŭ i mirnych žycharoŭ. Heta była praciahłaja i napružanaja apieracyja, i my majem hodny vynik. 139 z vyzvalenych znachodzilisia ŭ niavoli jašče z 2022 hoda», — napisaŭ u svaim telehram-kanale kiraŭnik Ofisa prezidenta Ukrainy Kirył Budanaŭ.
«Siarod tych, chto viartajecca dadomu, — 19 niezakonna asudžanych abaroncaŭ, 15 ź ich — da pažyćciovaha źniavoleńnia. A taksama — abaroncy Maryupala. Hetyja ludzi prajšli praz nadzvyčaj ciažkija vyprabavańni, ale vystajali», — dadaŭ jon.
«Asobnaja padziaka partnioram sa Złučanych Štataŭ Amieryki i Abjadnanych Arabskich Emirataŭ za važnaje pasiarednictva i sadziejničańnie. My zmahajemsia za svaich. I viartajem svaich. Praciahvajem pracu. Słava Ukrainie!» — napisaŭ Kirył Budanaŭ.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary