Maładziečanskaja fiermierka trapiła pad pieraśled ułady paśla skarhi ŭ tyktoku na čužych karoŭ

Nastaśsia Čarniaŭskaja, haspadynia ahrasiadziby «Mara dziacinstva», zapisała rolik pra toje, što šukaje spraviadlivaści — karovy, jakija błukajuć pa ŭskrainach Maładziečna ŭžo niekalki hadoŭ, stvarajuć prablemy miascovym žycharam. Fiermiery Juryj i Nastaśsia Čarniaŭskija — adny z paciarpiełych. U noč na 4 lutaha im daviałosia try razy adhaniać karoŭ ad svajoj siadziby.

I paśla hetaha videa orhany ŭłady sapraŭdy adhuknulisia.

Novy rolik Nastaśsia zapisała, idučy z Maładziečanskaha RAUS.

@nasty_chernyavskaya Siehodnia ko mnie prijechali dva sotrudnika milicii i prihłasili v učastok na biesiedu po vidio o korovach . Dalšie mienia taskali po kabinietam i nie čieho nie objaśniali , zabrali tielefon i ariestovali .Okazałoś nie pomoċ mnie s problemoj , nakazať choziaina korov , zastaviť jeho ślediť za životnymi , a okazałaś ja vinovata , čto moj rolik nie ponraviłsia (……..,,) poetomu ja sama mohu stať priestupnym elemientom i po strašnoj staťje . Ja nie čieho płochoho nie zamyšlała , kromie toho , čto chotieła dostučaťsia do kompitientnych orhanov , podniať svoi orhany i pomoŝ , riešiť problemu . Okazyvajetsia vo vsiem miliciejskom muraviejnikie nie našłoś Zakona privleċ choziaina korov , a vot mienia - Da #mołodiečno #korovy #milicija#brodiačijekorovy #zakoniporiadok ♬ orihinalnyj zvuk - Anastasija Čierniavskaja.

«Pabyła ja tut šmat hadzin. Raźbiralisia z maimi videarolikami, jakija mnohim nie vielmi spadabalisia. Stan moj, možna skazać, šokavy. Ja źviartałasia pa dapamohu praz svaje roliki na biaździejnaść — kudy ni źviarnisia, usiudy zamknionaje koła, nichto ničoha nie choča rabić…

A ŭ hetych rolikach uhledzieli ledź nie ekstremisckuju dziejnaść maju. Zabrali telefon, vydalili hetyja roliki biez majho viedama… Skazali, što heta nie kampietencyja RAUS — zajmacca karovami i hetak dalej. Dzień nasmarku. I pačućcio niespraviadlivaści», — kaža Nastaśsia.

Pavodle jaje słoŭ, jaje vyklikali supracoŭniki milicyi prosta z domu.

Pryjechali nibyta razabracca pa jaje roliku. Pytalisia pra padrabiaznaści, pra karoŭ, pra toje, kolki ŭžo z hetymi karovami pakutujuć.

Skazali: «Pajechali z nami ŭ RAUS da načalnika milicyi, tam buduć sabranyja ŭsie datyčnyja asoby, budziem razmaŭlać i vyrašać prablemu». Jana i pajechała.

«Pryjazdžaju, mianie zavodziać u kabiniet i zabirajuć telefon. Kanfiskacyja — naohuł nichto ničoha nie tłumačyć, niešta tam kapajucca, ni pra što nie papiaredžvajučy.

Vyśviatlajecca, što na mianie ledź nie administracyjnuju spravu zavodziać za toje, što ja svaim rolikam padbuchtorvaju da niejkaj ekstremisckaj dziejnaści. Chto-niebudź bačyŭ u mianie zakliki da ekstremizmu? Ja ž źviarnułasia sa svajoj biadoj!» — dzivicca žančyna. 

A voś z karovami ŭ RAUS, jak i ŭsiudy, admovilisia dapamahčy — nie ich, kažuć, kampietencyja. Paraili źviartacca ŭ sielsaviet, u vykankam.

«Ja viedaju, kudy mianie pašluć u sielsaviecie i vykankamie. Staju jak kala raźbitaha karyta i nie viedaju, što budzie dalej. Dakładniej, viedaju, i ad hetaha jašče horš», — reziumuje žančyna. 

Pad novym videa Nastaśsia adklučyła kamientary, ale jaho łajknuła bolš za 12 tysiač čałaviek.

• 0
• 0
• 1
• 3
• 0
• 3
• 5
• 1