«Motavieła» padhledzieŭ u Kitaja i pakazaŭ novuju raspracoŭku — elektramotarovar. Što heta takoje?
Na zavodzie śćviardžajuć, što sprajektavali jaho samastojna.
Minski «Motaviełazavod» pakazaŭ svaju novuju raspracoŭku — elektramotarovar.
Hetaja madel pradstaŭlaje saboj rovar z elektryčnym matoram i kołami ad matacykła, paviedamlaje BiełTA.
Ideju kanstruktary padhledzieli ŭ Kitai, ale raspracavali madel samastojna, śćviardžaje dyrektar zavoda Siarhiej Mańko.
«My całkam sprajektavali hety rovar, zrabili svaju ramu. Zaraz prachodzim siertyfikacyjnyja vyprabavańni. Kali ŭsio budzie dobra, u nastupnym hodzie jon pastupić u prodaž», — adznačyŭ Mańko.
Madel budzie abstalavana zdymnaj batarejaj, jakuju možna budzie zaradžać ad sietki. Na adnym poŭnym zaradzie možna budzie prajechać da 40 kiłamietraŭ.
Pravy dla kiravańnia takim transpartam nie patrebnyja. Jaho maksimalnaja chutkaść składzie 25 kiłamietraŭ za hadzinu.
Kamientary