U chareahrafičnym ansambli «Charoški» źmianiłasia kiraŭnictva. Mastackim kiraŭnikom kalektyvu stała Iryna Hrušava. Jaje proźvišča źjaviłasia na sajcie kalektyvu.
Hrušava — artystka baleta vyšejšaj katehoryi, u «Charoškach» pracuje amal čverć stahodździa, piša «Lusterka».
Novaje pryznačeńnie aznačaje, što svajoj pasady pazbaviłasia Valancina Hajavaja, jakaja była mastackim kiraŭnikom z momantu stvareńnia kalektyvu. 50 hadoŭ tamu, u studzieni 1974 hoda, u Minsku pry Biełdziaržfiłarmonii pačaŭ pracu ansambl «Charoški». Jaho stvaralnikami stali chareohrafy Valancina Hajavaja i Mikałaj Dudčanka. Hajavaja zastavałasia niaźmiennaj mastackaj kiraŭnicaj ansambla.
Za hady pracy «Charoški» stali adnym ź simvałaŭ krainy, svajho rodu vizitnaj kartkaj Biełarusi. Ansambl bolš za 20 razoŭ braŭ udzieł u roznych mižnarodnych fiestyvalach. Vystupaŭ u Danii, Siryi, Iardanii, Finlandyi, Anhlii, Bielhii, Japonii, Indyi, Italii, Ispanii, Polščy, Hiermanii, Francyi, ZŠA, na Kipry.
Ale ŭ apošnija hady ansambl znachodzicca ŭ kryzisie. U kastryčniku 2020 hoda «Charoški» vystupili ŭ budynku Kupałaŭskaha teatra, adkul da hetaha zvolniłasia praktyčna ŭsia trupa.
Valancinie Hajavoj sioleta spoŭnicca 88 hadoŭ.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary