U Minsku pačynajuć sudzić 18-hadovaha studenta niby za administravańnie «nacyjanalistyčnaha čatu biełarusaŭ i ŭkraincaŭ»
Sudziać za abrazu Łukašenki i raspalvańnie sacyjalnaj varožaści.
U Minskim haradskim sudzie raspačynajecca sudovy praces nad 18-hadovym studentam pieršaha kursa BDPU Hiermanam Lebiedzievym. Jaho abvinavačvajuć pavodle č. 1 art. 368 KK (abraza Łukašenki) i č. 1 art. 130 KK (raspalvańnie inšaj sacyjalnaj varožaści). Spravu budzie razhladać sudździa Alena Šylko, piša «Viasna»
HUBAZiK zatrymaŭ Hiermana ŭ vieraśni 2023 hoda — praź miesiac paśla taho, jak jamu spoŭniłasia 18 hadoŭ. Na videa» zatrymany kazaŭ, što nibyta «administravaŭ nacyjanalistyčny čat biełarusaŭ i ŭkraincaŭ», dzie publikavałasia žorstkaść u dačynieńni da rasijskich vajskoŭcaŭ. Taksama chłopiec «pryznavaŭsia» ŭ raspaŭsiudzie «nacysckich i ekstremisckich materyjałaŭ».
Padtrymać viaźnia: SIZA-1, 223016, Navadvorski sielsaviet, 143/4, v. Paškovičy, Minski rajon, Minskaja vobłaść, Hierman Alehavič Lebiedzieŭ
Kamientary