Sieviaryniec: Kantraloram u ŠIZA sumna. Tamu ŭklučajuć «dyskateku»
Eks-palitviazień u svaim fejsbuku napisaŭ pra muzyku na radyjo, jakuju ŭklučali ŭ Škłoŭskim ŠIZA.
«Adna z samych zapaminalnych rečaŭ u Škłoŭskim ŠIZA — «dyskateka». Pakul na kalidory izalatara hraje muzyka — ty abaviazany stajać na «raściažcy» la prymknutaj da ściany nary. Zvyčajna muzyku ŭklučajuć, kali pačynajecca pravierka — a heta značyć, staiš z vykručanymi rukami i rasstaŭlenymi nahami, pakul dziažurny pamočnik načalnika kałonii nie abydzie ŭsie 23 kamiery ŠIZA i nie vysłuchaje «dakłady» viaźniaŭ. Byvaje paŭhadziny, byvaje i hadzinu.
A zranku ŭ Škłovie adčyniajuć framuhi — i tamu, naprykład, zimoj «dyskateku» ty słuchaješ, dryžučy ad ściužy ŭ svajoj bavaŭnianaj «marli», pakul u ciabie z rota valić para. Bo adčyniajuć inšyja kamiery, i ŭsio ŠIZA pradźmuvaje skraźniakami. I nie zachiniešsia, nie zhrupiruješsia, kab ciaplej — «raściažka».
Kantraloram u ŠIZA sumna. Chočacca chacia b pasłuchać muzyku dy pazabavicca. Tamu ŭklučajuć «dyskateku» i lubujucca pa kamierach, jak viaźni kidajucca da naraŭ i raskirečvajucca.
Dobraja źmiena praz chvilin 20 huknie z kalidora — «A-adboj raściažka!» A kiepskaja — tak i pakinie, hadzinki na paŭtary. «Inciaresna že, puść eci palicičeskije naučacca rodzinu lubić».
Kali ŭklučali «Dušeŭnaje radyjo», jašče tudy-siudy. Tam, byvaje, i «Pieśniary» praskočać, i Coj, i navat «Viecier pieramienaŭ» «Skorpijons!». A voś kali «Piłot», «Narodnaje» albo miascovaje — choć viešajsia.
Tak i zhadvaješ čorny humar: «Siońnia ŭ nas u łahiery — dyskateka! Kulamiotčyk Hans prakrucić try kulamiotnyja dyski».
Darečy, na fota ŭ chłopca dva ručniki. Pa-bahatamu. Dazvoleny adzin, pryčym tolki vycirać ruki. Abmataješ vakoł šyi — napišuć papieru za parušeńnie formy adzieńnia», — napisaŭ Pavieł Sieviaryniec.
-
Pamada Maryi Kaleśnikavaj i małakaadsos Maryny Mientusavaj — top ekspanataŭ z vystavy pra zmahańnie biełarusak
-
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
-
U Bresckaj vobłaści ŭžo pačalisia lasnyja pažary
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary