Dla biełaruskich turystaŭ, jakija znachodziacca na Blizkim Uschodzie, vydali instrukcyju
U suviazi z abvastreńniem situacyi na Blizkim Uschodzie Nacyjanalnaje ahienctva pa turyźmie padrychtavała rekamiendacyi dla hramadzian Biełarusi, jakija znachodziacca ŭ rehijonie z turystyčnymi metami.
Biełarusam rajać pa mahčymaści zastavacca ŭ biaśpiečnym miescy — u numary hatela abo inšym schoviščy. Vychodzić na vulicu varta tolki ŭ vypadku krajniaj nieabchodnaści.
Padarožnikaŭ prosiać stroha vykonvać usie rekamiendacyi miascovych uładaŭ i administracyi miesca pražyvańnia, źviazanyja ź biaśpiekaj. Taksama nastojliva rekamiendujecca paźbiahać ludnych miescaŭ, zon bajavych dziejańniaŭ, a taksama vajskovych i stratehičnych abjektaŭ.
Nie varta fatahrafavać abo zdymać na videa vybuchi, udary i razbureńni, bo heta moža pryciahnuć niepažadanuju ŭvahu i stvaryć pahrozu žyćciu.
Ahienctva zaklikaje rehularna vychodzić na suviaź z rodnymi ŭ Biełarusi i paviedamlać pra svajo miescaznachodžańnie i stan zdaroŭja. Važna sačyć tolki za aficyjnymi krynicami infarmacyi i nie raspaŭsiudžvać čutki ci niedakładnyja źviestki.
Turystam taksama nahadvajuć pra nieabchodnaść terminova źviazacca z pasolstvam abo konsulstvam Biełarusi ŭ krainie znachodžańnia. Dla hetaha pracujuć haračyja linii.
Dypłamaty, jak śćviardžajecca, užo akazvajuć nieabchodnuju dapamohu biełarusam u zonie kanfliktu. Nacyjanalnaje ahienctva pa turyźmie kaardynuje svaje dziejańni z konsulskimi słužbami, turystyčnymi kampanijami i avijapieravozčykam, trymajučy situacyju pad pastajannym kantrolem.
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
Najbujniejšaja admiena rejsaŭ z časoŭ pandemii — vajenny kanflikt na Blizkim Uschodzie spravakavaŭ chaos u niebie
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu
Kamientary