Hrošy na repatryjacyju ŭ Biełaruś cieła apieratara Dzianisa Sakałoŭskaha sabrali
Były palitviazień pamior niekalki dzion tamu ŭ Bierlinie, jamu było 47 hadoŭ.
Pa śmierci siamja Dzianis zaniałasia vyrašeńniem jurydyčnych pytańniaŭ, u tym liku i pytańniem transpartavańnia cieła ŭ Biełaruś, arhanizacyjaj raźvitańnia i pachavańnia.
Suma zboru była zajaŭlena ŭ 4600 jeŭra.
Heta ŭklučała:
- €800 — afarmleńnie dakumientaŭ i jurydyčnyja pasłuhi
- €2800 — repatryjacyja cieła z Hiermanii ŭ Biełaruś
- €1000 — pachavańnie i raźvitańnie
«Moj tata byŭ nievierahodnym čałaviekam, jon vielmi lubiŭ hetaje žyćcio, lubiŭ ludziej. U jaho było vialikaje adkrytaje serca, jon byŭ emacyjnym, tvorčym i šmat zrabiŭ dla śvietu, dla žurnalistyki i mastactva. Jon byŭ najlepšym tatam, biaskonca lubiŭ mianie, jak i ja jaho. Ciapier ja adčuvaju vielizarny bol i vielmi sumuju pa im, vielmi mocna sumuju. Nie mahu pavieryć, što bolš nie zmahu jaho abniać, nie ŭbaču, nie zmahu ź im pahavaryć. Heta vialikaja trahiedyja dla ŭsioj našaj siamji i samaje ciažkaje vyprabavańnie, jakoje vypała na dolu našaj vymušanaj emihracyi. I nam sapraŭdy patrebnaja padtrymka i dapamoha», — kazała dačka Dzianisa, žurnalistka Vasilina Sakałoŭskaja.
U žniŭni 2020 hoda Dzianis Sakałoŭski dałučyŭsia da strajku ŭ BT braŭ u im aktyŭny ŭdzieł. Byŭ zatrymany pa spravie «Pres-kłuba» i vosiem miesiacaŭ pravioŭ u SIZA. Pa vyzvaleńni pakinuŭ Biełaruś.
Zbor byŭ abvieščany na minułym tydni, pa stanie na 16:00 sabrana 4614 jeŭra.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary