Makron tajemna nacisnuŭ na Kanadu, kab jana źmiakčyła sankcyi suprać Rasii
Pavodle niekalkich vysokapastaŭlenych krynic ahienctva Reuters, prezident Francyi Emanuel Makron prykłaŭ «značnyja vysiłki», kab prymusić Kanadu admovicca ad sankcyj suprać rasijskaha tytanu, bo ad hetaha zaležali intaresy adnoj bujnoj francuzskaj kampanii i nie tolki.
Jak piša ahienctva Reuters sa spasyłkaj na krynicy ŭ francuzskim i kanadskim uradach, prezident Francyi Emanuel Makron nacisnuŭ na premjer-ministra Kanady Džaścina Trudo, kab toj dazvoliŭ francuzskim i jeŭrapiejskim kampanijam svabodna zakuplać i vykarystoŭvać padsankcyjny rasijski tytan.
Adnym z asnoŭnych zacikaŭlenych u padobnym źmiakčeńni sankcyj suprać Rasii była jeŭrapiejskaja aerakaśmičnaja kampanija Airbus, jakaja jurydyčna ličycca francuzskaj i ŭ jakoj jość krytyčna važnyja zavody ŭ Kanadzie, dzie dla vytvorčaści patrebny tytan, paviedamlaje Reuters.
Krynicy ahienctva adznačajuć, što Kanada stała adzinaj krainaj Zachadu, jakaja ŭviała abmiežavańni na rasijski tytan z nahody druhoj hadaviny ŭvarvańnia Rasii va Ukrainu, čym zaśpieła źnianacku jeŭrapiejskuju aerakaśmičnuju pramysłovaść.
«U suviazi z hetym francuzski ŭrad aktyŭna i na ŭsich uzroŭniach łabiravaŭ u Kanadzie źmiakčeńnie antyrasijskich sankcyj, a Emanuel Makron u rehularnych telefonnych razmovach z Džaścinam Trudo prykłaŭ «značnyja vysiłki», kab toj dazvoliŭ jeŭrapiejskim kampanijam karystacca rasijskim tytanam», — paviedamlaje ananimnaja krynica Reuters u kanadskim uradzie.
Nienazvany kanadski čynoŭnik dadaje, što jahonaja kraina ŭ pytańniach antyrasijskich sankcyj spačatku trymałasia ćviorda, ale ŭ vyniku Francyja damahłasia svajoj mety.
Kanadski i francuzski ŭrady ad kamientaroŭ admovilisia, a pres-słužba kampanii Airbus zajaviła, što «vykonvaje ŭsie antyrasijskija sankcyi».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski8
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary