Voś jak možna abyścisia z syram tofu.
Fota: Freepik
Brytanski šef-kuchar Jotam Atalenhi, uładalnik sietki restaracyj i aŭtar niekalkich kulinarnych biestsieleraŭ, na viačeru prapanuje spałučyć syr tofu ź zialonaj harodninaj. Padavać stravu možna z rysam ci inšymi prostymi kašami.
Spatrebicca:
- 75 mł raślinnaha aleju
- 1 błok ćviordaha syru tofu (280 h), narezanaha kubikami pa 3 sm i absušanaha
- drobnaja marskaja sol i čorny pierac
- 1 cybulina, ababranaja i drobna parezanaja (150 h)
- 4 zubki časnaku, zdrobnienyja
- 220 h prostaha johurtu
- 1 stałovaja łyžka soku łajma
- 30 h hreckich arechaŭ
- 1 čajnaja łyžka nasieńnia kmienu
- 1 čajnaja łyžka nasieńnia čornaj harčycy
- 2 čajnyja łyžki vostraha parašku kary madras
- ¼ čajnaj łyžki mołataj kurkumy
- 1 čajnaja łyžka cukrovaj pudry
- 50 h liścia špinatu
- 50 h zamarožanaha harošku
Jak hatavać:
- Nalicie čatyry stałovyja łyžki aleju ŭ vialikuju patelniu i pastaŭcie jaje na siaredni ahoń. Prypraŭcie tofu čverciu čajnaj łyžki soli. Kali alej nahrejecca, dadajcie syr i zapiakajcie kala piaci chvilin, pieravaročvajučy, pakul jon nie stanie załacistym z usich bakoŭ. Pierakładzicie tofu na talerku, pakinuŭšy alej na patelni.
- Dadajcie ŭ patelniu cybulu, časnok, čverć čajnaj łyžki soli i mołaty pierac i hatujcie, pieryjadyčna pamiešvajučy, na praciahu 15 chvilin, pakul jany nie stanuć miakkija i nie pačnuć padrumiańvacca.
- Tym časam źmiaścicie johurt, sok łajmu, hreckija arechi i čverć čajnaj łyžki soli ŭ błendar i ŭźbivajcie na praciahu troch chvilin da adnastajnaj masy.
- Nalicie astatniuju stałovuju łyžku aleju ŭ nievialikuju patelniu, pastaŭcie na siaredni ahoń i, kali jana stanie haračaj, dadajcie nasieńnie kmienu i harčycy i nahravajcie 30 siekund, pakul nasieńnie harčycy nie pačnie łopacca. Źnimicie z ahniu i adkładzicie ŭbok.
- Jak tolki cybula pačnie padpiakacca (hł. punkt 2), viarnicie na patelniu smažany tofu (abo nieabsmažanyja kubiki tofu, kali vy nie hatavali ich raniej), dadajcie parašok kary i kurkumu i smažcie 30 siekund, pakul nie źjavicca vodar. Ulicie johurtavuju sumieś, 250 mł vady i cukar i varycie na siarednim ahni piać chvilin — da taho momantu, kali sous pačnie huścieć i prylipać da tofu. Dadajcie špinat i harošak, varycie, pakul liście nie źvianie, zatym źnimicie z ahniu.
- Palicie źvierchu alejem z harčycaj i kmienam i padavajcie prosta z patelni.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
et sur une pelle est-ce possible?