Časnok — karysnaja dla našaha zdaroŭja raślina. Jon praduchilaje chvaroby serca, dobra ŭpłyvaje na imunitet i navat źnižaje ryzyku niekatorych vidaŭ raku. Ale mała chto viedaje, što maksimalny efiekt časnok daje, kali vykonvać adno prostaje praviła.
Najpierš, časnok dapamahaje ad prastudy abo hrypu.
Kali parezać abo rastaŭčy zubčyk časnaku, u im ŭtvarajecca rečyva alicyn, jakoje dapamahaje raślinie abaraniać siabie ad škodnych mikraarhanizmaŭ. Mienavita alicyn nadaje časnaku ŭsie jaho karysnyja ŭłaścivaści.
Hetaja raślina maje antybakteryjalny i antyhrybkovy efiekt, moža abiezzaražvać pavierchniu orhanaŭ dychańnia, źnižaje kryviany cisk i dapamahaje padtrymlivać uzrovień chalesterynu.
Dla karyści časnok jaduć śviežym: alicyn razburajecca pry nahravańni.
Časnok možna spažyvać choć kožny dzień, ale ŭ mieru. Adzin-try zubočki za dzień, nie bolš. Časnok piakučy. Kali jeści jaho zašmat i nie zajadajučy, jon moža razdražniać straŭnik i bić pa piečani.
Pierad tym, jak jeści časnok, rastaŭčycie jaho ci parežcie i pakińcie na 10 chvilin, kab u im sfarmiravaŭsia alicyn.
U časnaku jość i inšyja karysnyja rečyvy. Heta achaen, adenazin, aliksin, kviercycin, skardzin i inšyja. Hetyja rečyvy padtrymlivajuć našy karanarnyja arteryi, majuć antybakteryjalny efiekt, dapamahajuć pry dyjarei i chvarobach močavydzialalnych šlachoŭ.
Padčas hatavańnia karysnyja ŭłaścivaści časnaku źmianšajucca.
Kab karyści ad časnaku było bolš, rabicie voś tak: dadavajcie jaho ŭ sup ci boršč prosta ŭ talerku, a nie ŭ kastrulu.
U sousy ci płoŭ časnok možna dadavać u momant hatoŭnaści, kali vy ŭžo źniali stravu z ahniu.
Dyjetołahi taksama vysoka aceńvajuć pryjom časnaku z kiefiram ci naturalnym johurtam. Vitaminy i alicyn zachoŭvajucca, u toj ža čas kisłamałočnyja pradukty abaraniajuć stravavod straŭnik ad apioku časnočnym sokam.
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary