U Tbilisi niekalki dziasiatkaŭ čałaviek razhramili ofis najbujniejšaj apazicyjnaj partyi Hruzii «Adziny nacyjanalny ruch». Ataka adbyłasia ŭ noč na 1 červienia.
U partyi śćviardžajuć, što ŭsiaho ŭ napadzie ŭdzielničali kala 100 čałaviek. U vyniku pahromu było paškodžana abstalavańnie partyi, a taksama vybityja vokny.
Staršynia ANR Levan Chabieišvili zajaviŭ, što ludzi, jakija napadali na ofis, byli ŭzbrojenyja kamianiami, pałkami i draŭlanymi dzidami. Vidavočcy śćviardžajuć, što taksama vandały vykarystoŭvali bity i žaleznyja pruty.
Chabieišvili śćviardžaje, što palicyja prybyła na miesca tolki praz hadzinu z momantu ataki, choć najbližejšy ŭčastak znachodzicca za 1-2 kiłamietry ad ofisu. Nichto z napadnikaŭ zatrymany nie byŭ.
U ANR ličać, što da napadu datyčnyja prychilniki zasnavalnika kiroŭnaj partyi «Hruzinskaja mara» Bidziny Ivanišvili.
Hruzinski parłamient pieraadoleŭ prezidenckaje vieta na zakon ab zamiežnych ahientach
Biełarusku nie puścili ŭ Hruziju, choć jana tam žyvie i pracuje bolš za hod. Što rabić?
Hruzija maje namier da 2030 hoda viarnuć Abchaziju i Paŭdniovuju Asieciju i stać členam ES
ZŠA ŭviaduć vizavyja sankcyi za padryŭ demakratyi ŭ Hruzii
Kamientary