Upieršyniu ŭ historyi biełaruski hałkipier trapiŭ u zajaŭku kłuba NCHŁ
U «Vankuviery» atrymaŭ traŭmu druhi hałkipier, i Mikita Tałapiła byŭ zajaŭleny na matč suprać «Nešviła».
Spačatku traŭmu atrymaŭ asnoŭny bramnik Tetčar Dziemka, Mikitu vyklikali z kłuba «Abatsforda», jaki hulaje ŭ Amierykanskaj chakiejnaj lizie (druhoj pa značnaści ŭ Paŭnočnaj Amierycy).
Zatym traŭmu atrymaŭ Kejsi DeŚmit. I na matč suprać «Nešviła» vyklikali Mikitu, a bramu baraniŭ hałkipier zbornaj Łatvii Artur Šyłaŭ. Mikita siadzieŭ na łavie zapasnych.
Adnak takim čynam Mikita Tałapiła staŭ pieršym biełaruskim bramnikam u zajaŭcy kłuba NCHŁ u rehularnych čempijanatach i Kubku Stenli.
«Vankuvier» vyjhraŭ u haściach u aviertajmie ź likam 4:3 i pavioŭ u sieryi 3:1. Kab vyjści ŭ nastupny etap Kubka Stenli, dastatkova raz pieramahčy.
Razam z tym šancy debiutavać u NCHŁ u Mikity Tałapiły značna pavyšajucca. U hetym vypadku jon stanie pieršym biełaruskim hałkipieram, što zhulaŭ u Nacyjanalnaj chakiejnaj lizie.
Mikitu Tałapiłu — 23 hady. Jon hulaŭ za minskaje «Dynama», «Dynama-Maładziečna».
U sakaviku 2023 hoda padpisaŭ kantrakt pačatkoŭca terminam na dva hady razam z kłubam NCHŁ «Vankuvier Kenaks». Byŭ kamandziravany ŭ farm-kłub «Abatsford Kenaks», za jaki taksama hulaje toj ža Artur Šyłaŭ.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary