19-hadovy biełaruski forvard padpisaŭ kantrakt z «Anachajmam» z NCHŁ
Trochhadovaje pahadnieńnie pačniecca ź siezona-2024/25.
U hetym chakiejnym hodzie Jahor Sidaraŭ lidziravaŭ u Zachodniaj chakiejnaj lizie (WHL) pa kolkaści pieramožnych hałoŭ (12), zajmaŭ treciaje miesca pa kolkaści hałoŭ u bolšaści (16) i byŭ čaćviortym z 50 hałami ŭ rehularnym siezonie, nabraŭšy 88 (50+38) bałaŭ pry pakazčyku karysnaści «+8» i 66 štrafnych chvilinach u 66 matčach u składzie «Saskatun Blejds», piša «Biełaruski chakiej»
Jahor staŭ pieršym hulcom «Błejds», jaki zabiŭ 50 hałoŭ za siezon ź siezona-1995-96, i adnym ź dzieviaci hulcoŭ WHL z 50-halavym siezonam za apošnija piać hadoŭ.
Usiaho ŭradženiec Viciebska nabraŭ 199 (113+86) bałaŭ pry karysnaści «+31» i 128 chvilinach štrafu ŭ 177 matčach u składzie «Saskatuna» za ŭvieś čas
Kali Jahor zahulaje ŭ Nacyjanalnaj chakiejnaj lizie, to jon stanie tam 16-m biełaruskim chakieistam, z ulikam chakieistaŭ, što praviali ŭsiaho matč-dva.
Lidaram pa kolkaści pajadynkaŭ źjaŭlajecca abaronca zbornaj Biełarusi Rusłan Salej, jaki zhulaŭ u najmacniejšaj lizie śvietu 917 matčaŭ, 10 siezonaŭ pravioŭšy za «Anachajm», a taksama hulaŭšy za «Fłarydu», «Kałarada» i «Detrojt».
Siońnia ŭ NCHŁ hulajuć Jahor Šaranhovič («Kałhary») i Alaksiej Protas («Vašynhton»).
Šeść matčaŭ pravioŭ za «Kałhary» Illa Sałaŭjoŭ i byŭ adpraŭleny ŭ farm-kłub, zhulaŭ adzin matč Uładzisłaŭ Kalačonak («Aryzona»).
U sakaviku adpraviŭsia ŭ «Fiładelfiju» varatar Alaksiej Kołasaŭ, ale, vidać, u hetym siezonie jon u NCHŁ nie zahulaje.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ18
Kamientary