Miljony ludziej niaspynna klikajuć na vyjavu chamiaka na telefonie, kab atrymać hrošy. Jak heta pracuje?
Raskazvajem što za hulnia «Bitva chamiakoŭ», jakaja nabiraje papularnaść pa ŭsim śviecie.
Novaja hulnia Hamster Kombat (Bitva chamiakoŭ) za pieršy miesiac sabrała 8 miljonaŭ karystalnikaŭ. Pryčym bolš za 3 miljony hulajuć u jaho štodnia.
Hamster Combat — heta čarhovaja hulnia-klikier, abo «tápałka», dzie za kožny dotyk da ekrana karystalnika ŭznaharodžvajuć virtualnaj manietkaj.
Kožny hulec kiruje svaim virtualnym chamiakom, vykonvajučy roznyja dziejańni, kab zarabić unutranuju valutu.
Celebrating Stats
1️⃣ 78M players
2️⃣ 31M players play every day
3️⃣ 6.5M online players
4️⃣ 24M telegram subscribers
5️⃣ 13.5M YouTube subscribers
6️⃣ 4.8M followers on X
Don't get surprised if Hamster Kombat's Market cap exceeds Doge coin#memecoin #hamsterkombat #tapswap pic.twitter.com/YGhETEp8bD
Aŭtary hulni abiacajuć, što ŭ kancy hulniavoha siezona budzie stvorany realny tokien, jaki raźmiarkujecca siarod hulcoŭ u adpaviednaści ź ich zarobkam u hulni, dajučy mahčymaść pieratvaryć virtualnyja hulniavyja aktyvy ŭ sapraŭdnuju ličbavuju valutu.
«Bitva chamiakoŭ» ujaŭlaje saboj vyklučna hulniu dla zabavy i nie patrabuje finansavych układańniaŭ. Asnoŭnaja jaje miechanika zaklučajecca ŭ nastupnym: hulec vybiraje kryptabiržu dla kiravańnia (ich tam šmat — ad Binance da HTX) i naciskaje na chamiaka ŭ centry ekrana, kab źbirać prybytak u vyhladzie hulniavych maniet. Čym bolš maniet nazapašana na bałansie biržy, tym vyšej jaje ŭzrovień, što dazvalaje hulcu zarablać maniety jašče chutčej.
U hulni praduhledžany roznyja busty dla paskareńnia zarobku: ad pavyšeńnia pradukcyjnaści naciskaŭ da pavieličeńnia limitu enierhii. Taksama hulcy mohuć vykonvać śpiecyjalnyja zadańni dla atrymańnia dadatkovych maniet.
Zarabić maniety možna taksama padpiskami na telehram-kanał ci tvitar-akaŭnt prajektu i zaprašeńniem siabroŭ. Hałoŭnaje novaŭviadzieńnie — mahčymaść pasiŭnaha zarobku praź śpiecyjalnyja kartki, jakija palapšajuć pracu kryptabiržy.
Hulnia chutka nabrała papularnaść dziakujučy svajoj prastacie i abiacańniam lohkaha zarobku, a taksama dziakujučy raspaŭsiudžvańniu infarmacyi pra jaje ŭ Instagram, Tik Tok i Telegram.
U sacyjalnych sietkach užo raspaŭsiudzilisia videa karystalnikaŭ, jakija prydumlajuć raznastajnyja łajfchaki, kab chutčej naciskać na chamiaka. Kab zarabić, treba ŭvieś čas palapšać svoj vynik, tamu hulcy pavinny viartacca da prahramy kožnyja try hadziny.
Adnak śpiecyjalisty papiaredžvajuć, što hulnia moža źbirać danyja ab numary telefona, na jaki zarehistravany telehram, i navat bolš: hulnia moža mieć dostup da telefonnaj knihi i da ŭsich prahram.
Nieviadoma taksama, ci sapraŭdy budzie mahčymaść vyvieści zaroblenaje ŭ kryptavalutu.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary