Pravaabaroncu Leanida Sudalenku zavočna sudziać za sadziejničańnie ekstremisckaj dziejnaści
U Homielskim abłasnym sudzie 12 červienia pačynajecca zavočny sud nad byłym palitviaźniam, jurystam i pravaabaroncam Leanidam Sudalenkam.
Novaja kryminalnaja sprava ŭ farmacie śpiecvytvorčaści była zaviedzienaja ŭ listapadzie 2023 hoda. Leanida abvinavačvajuć pa častkach 1 i 2 art. 361-4 KK (sadziejničańnie ekstremisckaj dziejnaści), piša «Viasna».
Spravu pryznačany razhladać sudździa Anatol Sotnikaŭ.
Leanid Sudalenka — viadomy pravaabaronca i juryst, źjaŭlaŭsia kiraŭnikom Homielskaha adździaleńnia Pravaabarončaha centra «Viasna». Pakinuŭšy Biełaruś, jon adrazu zajaviŭ, što skiruje svaju dziejnaść na chutčejšaje vyzvaleńnie biełaruskich palitviaźniaŭ.
Leanid Sudalenka — adzin ź pieršych pravaabaroncaŭ, jaki paśla prezidenckich vybaraŭ 2020 hoda patrapiŭ pad kryminalny pieraśled.
Jaho zatrymali ranicaj 18 studzienia 2021 h. pa darozie na ofis u miežach kryminalnaj spravy, raspačataj pa art. 342 Kryminalnaha kodeksa (hrupavyja dziejańni, jakija hruba parušajuć hramadski paradak) i źmiaścili ŭ izalatar časovaha ŭtrymańnia. U toj ža dzień taksama była zatrymana vałanciorka «Viasny» Maryja Tarasienka, a praź niekalki dzion zatrymali jašče adnu vałanciorku — Taćcianu Łasicu.
3 vieraśnia 2021 h. u sudzie Centralnaha rajona Homiela raspačaŭsia praces. Sudździa Siarhiej Sałoŭski vynies pastanovu, jakoj vyrašyŭ pravodzić sud u zakrytym pasiadžeńni na praciahu ŭsiaho raźbiralnictva. 3 listapada 2021 Leanida asudzili da troch hadoŭ pazbaŭleńnia voli ŭ kałonii ahulnaha režymu. A ŭ kastryčniku 2022 hoda MUS unios palitźniavolenaha pravaabaroncu ŭ pieralik «asobaŭ, datyčnych da ekstremisckaj dziejnaści».
21 lipienia 2023 hoda pravaabaronca vyjšaŭ na volu z PK № 3, całkam adbyŭšy termin, i vyjechaŭ z krainy. Čas pakazaŭ, što niedaremna.
-
Akunin raskazaŭ, što nieabchodna, kab vyžyć, kali ty zastaŭsia ŭ kiepskaj krainie
-
64‑hadovaha vice-čempijona pa aŭtasporcie kinuli ŭ kałoniju za palityku. Aryštavali paśla viartańnia z-za miažy
-
Cichanoŭskaja da 15‑j hadaviny trahiedyi ŭ minskim mietro: Siońnia — dzień pamiaci i bolu, jaki žyvie ŭ našych sercach užo 15 hadoŭ
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary