A ŭsiaho nad rasijskimi rehijonami nočču źbili 87 dronaŭ.
Nad Rastoŭskaj vobłaściu nočču źbili 70 dronaŭ. Jašče 17 dronaŭ źniščanyja nad inšymi rehijonami. U Rastoŭskaj vobłaści bieź śviatła zastalisia niekalki nasielenych punktaŭ, u Varoniežskaj paškodžany reziervuar na naftabazie, paviedamlaje Minabarony Rasii.
Jašče pa šeść bieśpiłotnikaŭ samalotnaha typu źbili nad Kurskaj i Varoniežskaj abłaściami, pa dva — nad Biełharodskaj i Vałhahradskaj, adzin — nad anieksavanym Krymam.
Jak paviedamlaŭ rastoŭski hubiernatar Vasil Hołubieŭ, napadu padvierhlisia niekalki nasielenych punktaŭ rehijonu. U Marozaŭskim rajonie parušana elektrazabieśpiačeńnie.
U Varoniežskaj vobłaści BPŁA paškodzili nievykarystoŭvany reziervuar na naftabazie ŭ Liskinskiom rajonie. Pažaru nie było, pavodle źviestak uładaŭ, nichto nie paciarpieŭ.
Ciapierašniaja ataka bieśpiłotnikaŭ na Rastoŭskuju vobłaść — adna z samych maštabnych.
Naprykład, u sakaviku nad rehijonam pierachapili i źniščyli 41 bieśpiłotnik, Hołubieŭ raspaviadaŭ pra ranieńnie supracoŭnika MNS, jaki ŭchilaŭ nastupstvy. U siaredzinie traŭnia dva drony atakavali paliŭnuju bazu ŭ Praletarskim rajonie, tam adbylisia vybuchi. U pačatku červienia pažar z-za ataki drona paŭstaŭ na Navašachcinskim naftapierapracoŭčym zavodzie.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary
Niekalki prylacieušych dronau byli zniščany reziervuarami.