«Stali pieškami ŭ cyničnaj hulni». Šviecyja abmianiała pažyćciova asudžanaha iranca na dvuch pałonnych šviedskich hramadzian
Hramadzianin Irana Chamid Nury, prysudžany ŭ Šviecyi da pažyćciovaha źniavoleńnia za złačynstvy suprać čałaviečnaści, atrymaŭ svabodu ŭ abmien na dvuch šviedskich hramadzian, aryštavanych u Iranie, paviedamlaje Ruskaja słužba Bi-bi-si.
Iranskija ŭłady pahadzilisia vyzvalić švieda Jochana Floderusa, jaki pracuje va ŭstanovach Jeŭrasajuza, i Saida Azizi, jaki maje hramadzianstva Irana i Šviecyi i asudžany za «zmovu suprać nacyjanalnaj biaśpieki».
Floderus byŭ aryštavany ŭ Iranie padčas pryvatnaj pajezdki i pravioŭ u iranskaj turmie dva hady pa abvinavačvańni ŭ špijanažy, pa jakim jamu mahła pahražać śmiarotnaje pakarańnie. Azizi pravioŭ u źniavoleńni mienš za hod: svoj piacihadovy termin jon atrymaŭ u listapadzie.
Abviaščajučy pra majučy adbycca abmien, premjer-ministr Šviecyi Ulf Krystersan zajaviŭ, što Floderus i Azizi «stali pieškami ŭ cyničnaj hulni Tehierana z metaj damahčysia vyzvaleńnia sa šviedskaj turmy Chamida Nury».
Sakratar Najvyšejšaj rady Irana pa pravach čałavieka Kazem Harybabadzi, u svaju čarhu, napisaŭ u sacsietcy Ch, što zatrymańnie Chamida Nury ŭ Šviecyi było niezakonnym ad pačatku; ciapier jon narešcie atrymaje svabodu i vierniecca na radzimu.
Chamid Nury byŭ aryštavany ŭ 2019 hodzie ŭ šviedskim aeraporcie, u jakim apynuŭsia tranzitam. Nieŭzabavie jon byŭ pryznany saŭdzielnikam masavych pakarańniaŭ śmierciu palityčnych źniavolenych u Iranie, učynienych u kancy 1980-ch hadoŭ.
Šviedski sud, sudziačy Nury, kiravaŭsia pryncypam univiersalnaj jurysdykcyi, jakija dazvalajuć sudzić abvinavačanych u vajennych złačynstvach, złačynstvach suprać čałaviečnaści i hienacydzie za miežami toj krainy, dzie jany ździejśnienyja.
Pavodle acenak pravaabaroncaŭ, ź lipienia pa vierasień 1988 hoda ŭ iranskich miescach pazbaŭleńnia voli byli zabityja da 5000 źniavolenych mužčyn i žančyn. Pa danych šviedskich uładaŭ, u hety pieryjad Nury pracavaŭ u iranskaj turmie «Hochardašt» pamočnikam prakurora.
Vyniesieny Nury prysud istotna sapsavaŭ adnosiny pamiž dźviuma krainami.
Iranskija ŭłady kateharyčna admaŭlajuć, što ŭ 1988 hodzie ŭ turmach krainy pa rasparadžeńni tahačasnaha viarchoŭnaha lidara krainy ajatały Chamiejni byli zabityja tysiačy źniavolenych. U hetych padziejach, jak ličyłasia, taksama braŭ aktyŭny ŭdzieł niadaŭna zahinuły prezident Irana Ebrachim Raisi, choć sam jon heta admaŭlaŭ.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama4
Kamientary
heta nie šarahovy ŭradženiec Švecyi, takoha tre było vymieniać, ŭratavać ŭ kožnym razie
Cikava, što takija ž anekdoty i pra švedzkich i roznaskandynaŭskich ministraŭ platucca, a taksama dziaŭčynku Hretu - druhaja ekanom klasa, biez achovy i tak dalej