Syn iranskaha šacha: Spačuvańni z nahody śmierci Raisi — heta abraza pamiaci jaho achviar
U 1988 hodzie Raisi byŭ adnym z čatyroch sudździaŭ, jakija zasiadali ŭ tak zvanych «kamisijach śmierci».
Reza Piechlevi, syn zrynutaha šacha Irana Machamieda Rezy Piechlevi, zajaviŭ, što Ibrachim Raisi byŭ masavym zabojcam, i tamu spačuvać z nahody jaho śmierci zusim niedarečna, piša Bi-bi-si.
«Irancy siońnia nie smutkujuć. Ibrachim Raisi byŭ žorstkim masavym zabojcam, niavartym spačuvańniaŭ», — napisaŭ były prync Irana ŭ svaim instahramie.
«Spačuvańnie jamu — heta abraza pamiaci jaho achviar, abraza naroda Irana, jaki kali i škaduje, to tolki pra toje, što jon nie dažyŭ da padzieńnia Isłamskaj Respubliki i suda nad im za jaho złačynstvy», — praciahnuŭ Reza Piechlevi.
U 1988 hodzie Raisi byŭ adnym z čatyroch sudździaŭ, jakija zasiadali ŭ tak zvanych «kamisijach śmierci». Hetyja kamisii vyrašali losy tysiač źniavolenych apazicyjanieraŭ, pakaranych u iranskich turmach pa zakančeńni terminu źniavoleńnia.
Zatym jon byŭ namieśnikam prakurora Tehierana, potym — namieśnikam kiraŭnika sudovaj ułady Irana, i na hetych i inšych pasadach taksama byŭ datyčny da represij.
Reza Piechlevi ŭpeŭnieny, što śmierć Raisi nie źmienić palityku Tehierana.
«Hety režym praciahnie represii ŭnutry krainy i ahresiju za jaje miežami», — ličyć syn niabožčyka šacha.
Baćka Rezy Piechlevi, Šach Machamied Reza Piechlevi byŭ skinuty 45 hadoŭ tamu i pamior u vyhnańni na nastupny hod. Jon vioŭ prazachodniuju palityku, ale kiravaŭ aŭtarytarnymi mietadami, dušačy apazicyju.
U toj ža čas hanieńni na apazicyju pry im byli nieparaŭnalnyja z tymi represijami, što razharnuŭ teakratyčny isłamski režym, jaki pryjšoŭ paśla jaho.
Znojdzieny viertalot z prezidentam Irana na borcie. Na miescy katastrofy žyvych niama
U Iranie abviaścili piacidzionnuju žałobu
Iranski pasoł nazvaŭ imaviernuju pryčynu krušeńnia viertalota prezidenta Raisi
Viertalot prezidenta Irana ŭrezaŭsia ŭ haru?
Pieradaŭ «Šachiedy» Rasii i kiravaŭ biznes-impieryjaj ajatały. Chto taki Machamad Machbier — časovy prezident Irana
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?2
Kamientary