Hramadstva

Muzykanta i startapiera z Dobruša sudziać za «sadziejničańnie ekstremizmu»

Hlebu Dudko pahražaje da šaści hadoŭ kałonii.

Hleb Dudko. Fota ź jahonaha instahrama

Hlebu Dudko 35 hadoŭ, jon rodam z Dobruša, horada ŭ Homielskaj vobłaści. Paśla škoły skončyŭ Homielski kaledž mastactvaŭ, niejki čas pracavaŭ pa śpiecyjalnaści. Hraje na pijanina.

Baćka Hleba Aleh Dudko — viadomy ŭ Homieli opierny śpiavak i kolišni salist fiłarmonii.

U 2018-m Hleb razam z prahramistam Maksimam Hrynievičam zapuściŭ prajekt ConcertMaster. Ideja prajekta ŭ tym, kab stvaryć prahramu, jakaja b mahła aŭtamatyčna akampaniravać vakalistam.

Viadoma, što ŭ 2020-m sajt prajekta zakryŭsia, ale homielskaja kampanija «Kancertmajstar» praciahvaje rabić prajekt mooz.pro z padobnaj tematykaj.

Taksama Hleb pracavaŭ u kampanii Brymonsoft na pazicyi mieniedžara pa praduktach.

Hleba zatrymali ŭ sakaviku 2024-ha ŭ Dobrušy i prysudzili jamu aryšt za raspaŭsiud ekstremisckich materyjałaŭ. Paśla hetaha mužčynu, imavierna, pieraviali ŭ SIZA.

Sud nad Hlebam Dudko pačniecca 26 červienia ŭ Homielskim abłasnym sudzie.

Sudzić jaho budzie sudździa Mikałaj Dola, jaki prysudziŭ pad sotniu hadoŭ roznym palityčnym aktyvistam i znachodzicca pad sankcyjami. Samaja hučnaja sprava, jakuju jon vioŭ, — sud nad Siarhiejem Cichanoŭskim, Mikałajem Statkievičam, Iharam Łosikam i ich paplečnikami.

Sudździa Mikałaj Dola. Fota: gp.by

Hleba Dudko vinavaciać u «sadziejničańni ekstremisckaj dziejnaści». Jamu mohuć prysudzić jak chimiju, tak i da šaści hadoŭ kałonii.

«Naša Niva» — bastyjon biełaruščyny

PADTRYMAĆ

Kamientary

Ciapier čytajuć

Izrail pačaŭ novuju chvalu ŭdaraŭ pa Iranie3

Izrail pačaŭ novuju chvalu ŭdaraŭ pa Iranie

Usie naviny →
Usie naviny

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

Iran zapuściŭ 100 dronaŭ pa Izraili3

Tramp adreahavaŭ na avijaŭdary Izraila pa Iranie2

U Maskvie znajšli 69-hadovaha biełarusa, jaki byŭ u rabstvie ŭ «pracoŭnym domie»26

U chodzie ŭdaraŭ Izraila, mierkavana, zahinuŭ načalnik Hienštaba armii Irana1

Biełarus Alaksiej Špileŭski ŭznačalić rasijski «Pary NN» zamiest Viktara Hančarenki2

bolš čytanych navin
bolš łajkanych navin

Izrail pačaŭ novuju chvalu ŭdaraŭ pa Iranie3

Izrail pačaŭ novuju chvalu ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić