Jana ŭvojdzie ŭ śpis najbujniejšych zdabytčykaŭ uranu ŭ śviecie i zmoža amal całkam zabiaśpiečyć pracu svajoj AES.
Na pramysłovaj placoŭcy Satkama pačata zdabyča pryrodnaha ŭranu, što robić Finlandyju pieršaj krainaj-členam Jeŭrasajuza, jakaja ekspłuatuje ŭranavyja rudniki, paviedamiła hornazdabyŭnaja kampanija Terrafame, piša RBK.
Poŭnaj mahutnaści zdabyčy płanujecca dasiahnuć da 2026 hoda, kali abjom vytvorčaści składzie prykładna 200 ton u hod. Prykładna stolki ž urana spažyvaje finskaja atamnaja stancyja «Ołkiłuota-3» za dzieviać miesiacaŭ pracy. Rudnik płanujecca vykarystoŭvać nie mienš za 30 hadoŭ. Uran adpraviać za miažu dla pierapracoŭki, paśla čaho vykarystajuć u atamnaj enierhii.
Terraflame atrymała dazvoł na pačatak zdabyčy ŭ 2020 hodzie.
Usiaho ŭ Finlandyi jość čatyry atamnyja elektrastancyi, jakija vyrablajuć kala 30% nieabchodnaj elektraenierhii.
Finlandyja zakuplaje rasijskaje jadziernaje paliva dla dvuch atamnych reaktaraŭ, zakuplenych u SSSR i ŭstalavanych na AES «Łovijsa». Termin dziejańnia kantraktaŭ zaviaršajecca ŭ 2030 hodzie, paśla čaho Chielsinki majuć namier pierajści na amierykanskich pastaŭščykoŭ.
Zdabyty aksid uranu nie adroźnivajecca vysokaj radyjeaktyŭnaściu, jon niebiaśpiečny hałoŭnym čynam z-za chimičnych ułaścivaściaŭ, jak i inšyja ciažkija mietały, rastłumačyli va ŭpraŭleńni pa radyjacyjnaj i jadziernaj biaśpiecy Finlandyi (STUK). Adnak z aksidu ŭranu vyrablajecca paliva dla atamnych elektrastancyj, jano ŭ reaktary stanovicca vielmi radyjeaktyŭnym.
Ruda z Sotkama maje nievialikuju kancentracyju ŭranu, prykładna 17 mh/kh. Takija kancentracyi sustrakajucca i ŭ inšych častkach finskich hornych parod.
Naraściŭšy abjomy vytvorčaści da 200 ton uranu ŭ hod, Finlandyja zojmie siomaje miesca ŭ rejtynhu suśvietnych zdabytčykaŭ razam z Paŭdniovaj Afrykaj.
Lidaram haliny pa stanie na 2022 hod źjaŭlaŭsia Kazachstan (21 227 ton), śledam išli Kanada (7351), Namibija (5613), Aŭstralija (4553), Uźbiekistan (3300), Rasija (2508), Nihier (2020), Kitaj (1700) i Indyja (600).
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary