Rudzik — biełaruskim palitykam z polskimi pašpartami: Bałatujciesia nie ŭ KR, a ŭ polski Siejm
Były redaktar Nexta Jan Rudzik vystupiŭ ź inicyjatyvaj radykalnaj źmieny stratehii dla demakratyčnych sił. Na fonie padrychtoŭki da čarhovych vybaraŭ u Kaardynacyjnuju radu jon prapanavaŭ palitykam vykarystać svaju papularnaść dla ŭvachodu ŭ realnuju ŭładu Polščy.
— Kažuć, što namiačajucca čarhovyja vybary ŭ Kaardynacyjnuju radu. Možna było b šmat słoŭ napisać pra bieskarysnaść hetaha mierapryjemstva, jak i pra bieskarysnaść apazicyjnych struktur u pryncypie. Ale, zdajecca, usie ŭžo i tak usio zrazumieli.
Adnak padajecca, što na pytańnie «A čym jašče zajmacca?» jość adkaz.
Tak stałasia, što ŭ mnohich topaŭ demakratyčnych sił užo jość polskija pašparty. A ŭ niekatorych — jašče i paznavalnaść u samoj Polščy, prysutnaść u polskich miedyja i, varta mierkavać, kantakty z polskimi palitykami.
Čamu b nie pasprabavać «startavać» u polski Siejm?
Kala paŭsotni tysiač biełarusaŭ histaryčna pražyvajuć u Padlaskim vajavodstvie. Ludziej ź biełaruskimi karaniami i svajakami i taho bolš. Tych, u kaho časovy dazvoł na žycharstva, stały dazvoł ci viza, — niekalki socień tysiač. I hetyja ludzi taksama atrymlivajuć i buduć atrymlivać pašparty.
Całkam sabie elektaralnaja baza sa zrazumiełymi prablemami, jakija možna vyrašać. Nu i lehitymnaści dla dziejańniaŭ na mižnarodnaj arenie status deputata Siejma Rečy Paspalitaj daść bolš, čym status delehata ci navat śpikiera Kaardynacyjnaj rady.
Zdajecca ž, usio na pavierchni, ci jość niejkija padvodnyja kamiani, jakija zaminajuć tak zrabić? — napisaŭ Rudzik.
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara9
Kamientary
Ale ž tady prydziecca bolš prazrysta i pracavać, i srodki ŭžyvać.
Nu, i jašče uch jak polskija dzieńnikaže lubiać pieracirać minułaje i hrošyki palitykaŭ i ich znajomych. Heta vam nie rachmanaja biełaruskaja tusovačka.
Stanoviaś časťju čužoj hosudarstviennoj sistiemy, politik tieriajet subjektnosť i obiazan rabotať na błaho Varšavy, a nie Minska. Eto nie pomoŝ Biełarusi, a aśsimilacija političieskoj elity v čužuju sistiemu