«Płakała i kryčała». Biełaruska raskazała, jak jaje prymusili hałasavać na vybarach za Łukašenku padčas mocnych rodavych schvatak
Biełaruska raskazała ŭ sacyjalnych sietkach, jak joj daviałosia naradžać dzicia ŭ dzień tak zvanych prezidenckich vybaraŭ u 2025 hodzie. Prymusovaja vybarčaja sistema daciahnułasia da žančyny ŭ maksimalna nieprydatny dla hetaha momant.
Žančyna znachodziłasia ŭ pieradradzilnaj pałacie i pakutavała ad nadzvyčaj mocnych patuh.
Pavodle jaje słoŭ, jana litaralna kryčała ad bolu na ŭsio adździaleńnie. Mienavita ŭ hety čas u pałatu zajšła cełaja delehacyja z urnaj dla hałasavańnia — «šmat roznych ludziej u kaściumach».
Žančyna, člen kamisii, pabačyŭšy pakuty paradzichi, prapanavała astatnim pakinuć jaje ŭ spakoi, adnak mužčyna z hrupy byŭ niaŭmolny.
«Adna žančyna z tych, chto pryjšoŭ, bačyć moj stan i kaža astatnim: «Oj, moža, nie treba». A mužčyna pobač: «Ničoha-ničoha, chutka schvatački projduć, i jana pastavić hałačku». Sunuli ŭ ruki asadku i błank. Prahałasavała, pry hetym płakała i kryčała», — napisała žančyna i pastaviła smajlik.
Hierainia historyi pryznajecca, što nikoli nie zabudziecca na hety dzień.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary