ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
Chiesan Niełan Presilja Fłores byŭ zatrymany ŭ žniŭni 2025 hoda. Pavodle śledstva, jon skraŭ bryljanty, rubiny, izumrudy, zołata i kaštoŭnyja hadzińniki na sumu 100 miljonaŭ dalaraŭ. Ale ŭ śniežni jaho departavali ŭ Ekvador bieź viedama prakuroraŭ, jakija rychtavali kryminalnuju spravu.
U Złučanych Štatach razharajecca skandał vakoł spravy ab kradziažy kaštoŭnaściaŭ na sumu 100 miljonaŭ dalaraŭ.
Fiederalnyja imihracyjnyja ŭłady (ICE) dazvolili adnamu z hałoŭnych padazravanych, Chiesanu Niełanu Presilja Fłoresu, dobraachvotna pakinuć krainu i vylecieć u Paŭdniovuju Amieryku. Hety krok šakavaŭ prakuroraŭ, jakija rychtavalisia adpravić mužčynu ŭ turmu na termin da 15 hadoŭ.
Fłores byŭ adnym ź siami čałaviek, abvinavačanych u dziorzkim napadzie na braniavany hruzavik u 2022 hodzie. Rabaŭniki vysačyli mašynu na trasie kala Łos-Andželesa i, pakul adzin kiroŭca spaŭ, a druhi kuplaŭ ježu, vykrali sumki z dyjamientami, smarahdami, zołatam i luksavymi hadzińnikami.
Hetaje rabavańnie ličycca samym maštabnym u amierykanskaj historyi.
Kurjoznaść i absurdnaść situacyi palahaje ŭ niaŭzhodnienaści viedamstvaŭ. Prakuratura ličyła, što Fłores znachodzicca pad załoham i čakaje suda. Imihracyjnaja słužba zatrymała jaho jašče ŭ vieraśni, nie paviedamiŭšy prakuroram pra najaŭnaść pretenzij da jaho statusu rezidenta. U vyniku na słuchańniach u śniežni Fłores prosta paprasiŭ ab departacyi, i sudździa vydaŭ zahad na jaho vysyłku ŭ Ekvador.
Jurysty nazyvajuć hety vypadak biesprecedentnym: «Heta situacyja, kali levaja ruka nie viedaje, što robić pravaja».
Ciapier advakat Fłoresa patrabuje całkam zakryć kryminalnuju spravu, pakolki jaho klijent byŭ departavany z krainy samimi ŭładami, što nibyta parušaje jaho pravy na abaronu.
Juvieliry, jakija stracili svaju majomaść, aburanyja i patrabujuć adkazaŭ, bo zaraz złačynca faktyčna paźbieh pravasudździa.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»7
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary