Karanik pra ideju ajčynnaha elektrakara: Troški pieraacanili svaje mahčymaści
«Sproba svaje napracoŭki z chodu intehravać u byłuju bienzinavuju mašynu, na žal, nie pryviała da dobraha spažyvieckaha vyniku».
Kiraŭnik Akademii navuk Biełarusi Uładzimir Karanik raskazaŭ na «Biełaruś 1», što ciapier ź idejaj stvaryć pieršy całkam biełaruski elektrakar.
«Pratatyp nasamreč jość. Ale pieršapačatkova havorka išła, navukovaja prahrama była ab stvareńni kampanientnaj bazy elektratranspartu. Zadača była ŭ tym, kab dla našych vytvorcaŭ padrychtavać ajčynnuju kampanientnuju bazu: elektraruchaviki, reduktary, inviertar.
Zadača stvaryć aŭtamabil u cełym — napeŭna, troški pieraacanili svaje mahčymaści. Nie da kanca ŭśviedamlali, što pasažyrski aŭtamabil — heta ŭsio ž taki vielmi šmat sistem biaśpieki, heta multymiedyja, heta siłavy karkas. I sproba svaje napracoŭki z chodu intehravać u byłuju bienzinavuju mašynu, na žal, nie pryviała da dobraha spažyvieckaha vyniku».
Ajčynnyja elektrakary byli b zapatrabavanyja, ličyć Karanik.
«Heta aŭtamabili śpiecyjalnaha pryznačeńnia, kamunalnaja technika. Heta ekskursijny aŭtobus dla Bataničnaha sada, jaki zaraz prajektujecca i budzie vyrablacca. Elektratranspart składski, elektrakary dla aeraportaŭ. My znajšli svaju nišu».
Kiraŭnik NAN dadaŭ, što jość ža ajčynny elektramabil ad «BiełDžy».
«Vielmi dobraja madel ź vielmi dobrymi spažyvieckimi jakaściami, mahu skazać jak karystalnik, jaki maje dośvied. I naša zadača zaraz vykarystoŭvać svaje kampietencyi, kab pavialičyć pracent łakalizacyi ajčynnych raspracovak, a nie zrabić mašynu z nula», — skazaŭ Karanik.
Zavod «BiełDžy» ŭ traŭni 2025 hoda pakazaŭ elektramabil Geely EX-5. Ale paźniej admoviŭsia ad idei jaho sieryjnaha vypusku — zapusk hetaj madeli zanadta darahi dla Biełarusi.
Nahadajem, što ŭ listapadzie stała viadoma, što Kamitet dziaržaŭnaha kantrolu vyjaviŭ karupcyjnyja schiemy ŭ strukturach Nacyjanalnaj akademii navuk Biełarusi. Siarod fihurantaŭ — supracoŭniki, źviazanyja z raspracoŭkaj pieršaha ajčynnaha elektramabila.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary