Pamior biełaruski kampazitar, udzielnik ansambla «Siabry» ad samaha jaho zasnavańnia, Mikałaj Sacura. Pra heta paviedamili na staroncy «Siabroŭ» u fejsbuku. Jamu było 72 hady.
Fota: facebook.com/AnsamblSyabry
Mikałaj Sacura naradziŭsia 2 červienia 1952 hoda na Turaŭščynie. Anatola Jarmolenku, kiraŭnika ansambla «Siabry», jon viedaŭ z maładości, bo abodva jany vučylisia ŭ Homielskim muzvučyliščy.
Z 1974 hoda ź nievialikim pierapynkam Sacura byŭ muzyčnym kiraŭnikom ansambla «Siabry» i jaho pastajannym udzielnikam, hrajučy na kłavišnych instrumientach.
Siarod piesień aŭtarstva Sacury — šmatlikija šlahiery ansambla «Siabry»: «Žyvaja vada», «Razdolle», «Sienavał», «Kalady», «Kalina», «Pieražyviom», «Ściežki», «Sapiernica», «Maja radnia», «Daŭniaja pieśnia», «Zorka viačerniaja».
Kamientary