Rabaŭniki ŭvarvalisia ŭ dom eks-zorki Rabierta Badža prosta padčas hulni Italija — Ispanija
Hulec atrymaŭ pistaletam pa hałavie i trapiŭ u balnicu
Dom byłoha paŭabaroncy zbornaj Italii Rabierta Badža padvierhnuŭsia ŭčora razbojnamu napadu, piša football.by.
Zdareńnie adbyłosia ŭ italjanskaj kamunie Altaviła-Vičencina (pravincyja Vičenca).
Sam 57-hadovy Badža i ŭsia jaho siamja (žonka i troje dziaciej) znachodzilisia doma. Napad adbyŭsia prosta padčas matču Jeŭra-2024 pamiž Italijaj i Ispanijaj (0:1).
Nichto ich členaŭ siamji Badža nie paciarpieŭ, adnak jamu samomu raźbili hałavu pistaletam, kali jon pasprabavaŭ supraciŭlacca.
Złačyncy zabrali juvielirnyja kaštoŭnaści, hadzińniki i hrošy.
Paśla taho, jak rabaŭniki syšli, Badža sam patelefanavaŭ u palicyju, a zatym byŭ dastaŭleny ŭ balnicu.
Rabierta Badža za svaju karjeru vystupaŭ za mnohija kłuby, u tym liku za «Vičencu». «Fijarencinu», «Miłan», «Juvientus», «Inter», «Brešyju». U 1993 hodzie jon staŭ uładalnikam «Załatoha miača». U składzie nacyjanalnaj kamandy jon vyjhraŭ bronzu čempijanatu śvietu 1990 hoda i srebra čempijanatu śvietu 1994 hoda. Jaho futbolnaja karjera doŭžyłasia z 1984 pa 2004 hod.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary