Minčuki kupili dypłomy BNTU. Usio raskryłasia praz 5 hadoŭ — da ich pa inšaj spravie pryjšli siłaviki
Dypłomy zdalisia im padazronymi.
49-hadovaha minčuka zatrymali pa padazreńni ŭ ździajśnieńni złačynstva. Padčas pieratrusu ŭ jaho doma siłaviki znajšli dypłom BNTU, jaki zdaŭsia im padazronym.
Mužčyna adpiracca nie staŭ. Jon raspavioŭ, što pracavaŭ technikam pa ramoncie i absłuhoŭvańni ŭ adnoj z arhanizacyj Minska. Dla pavyšeńnia paŭstała nieabchodnaść atrymać vyšejšuju adukacyju.
Pa šerahu pryčyn pastupać u VNU mužčyna nie staŭ. Z kaleham pa cechu jany vyrašyli pajści pa bolš chutkim šlachu — zamovili dypłomy ŭ internecie. U adździele kadraŭ ničoha nie zapadozryli — mužčyny atrymali pavyšeńnie i prapracavali piać hadoŭ. Pakul da adnaho ź ich nie pryjšli siłaviki.
Ekśpiertyza dypłomaŭ paćvierdziła, što błanki dypłomaŭ vyrableny nie pradpryjemstvam, jakija ažyćciaŭlajuć vytvorčaść takoj pradukcyi. Vadzianyja znaki, achoŭnyja vałokny, elemient junihrama i ŭltrafijaletavaja abarona imitavanyja malunkami, vykananymi sposabam płoskaha afsietnaha druku, a taksama z dapamohaj naniasieńnia na pavierchniu farbavalnych rečyvaŭ.
Ciapier u dačynieńni da minčukoŭ pravodzicca pravierka.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary