Polšča budzie abmiarkoŭvać z Ukrainaj mahčymaść pierachopu rasijskich rakiet, nakiravanych u jaje bok
Kijeŭ i Varšava damovilisia abmierkavać mahčymaść pierachopu rakiet i dronaŭ, zapuščanych u napramku Polščy, u pavietranaj prastory Ukrainy. Adpaviedny punkt jość u pahadnieńni ab biaśpiecy, jakoje siońnia, 8 lipienia, padpisali prezident Ukrainy Uładzimir Zialenski i premjer-ministr Polščy Donald Tusk.
Jak adznačajecca ŭ pres-relizie na sajcie prezidenta Ukrainy, taki punkt u pahadnieńni ab biaśpiecy praduhledžany ŭpieršyniu, niahledziačy na toje, što padobnyja dakumienty Ukraina padpisała ŭžo z 21 krainaj.
«Udzielniki zhodnyja ź nieabchodnaściu praciahu dvuchbakovaha dyjałohu i dyjałohaŭ ź inšymi partniorami, nakiravanych na vyvučeńnie metazhodnaści mahčymaha pierachopu ŭ pavietranaj prastory Ukrainy rakiet i dronaŭ, vypuščanych u kirunku terytoryi Polščy, vykonvajučy nieabchodnyja pracedury, uzhodnienyja dziaržavami i datyčnymi arhanizacyjami», — havorycca ŭ dakumiencie.
Kijeŭ i Varšava taksama damovilisia stvaryć na terytoryi Polščy «Ukrainski lehijon» dla padrychtoŭki asabovaha składu Uzbrojenych sił Ukrainy. Dałučycca da hetaha lehijonu zmohuć hramadzianie Ukrainy, jakija znachodziacca ŭ Polščy i inšych krainach.
Inšyja błoki pahadnieńnia tyčacca ekanamičnaha abnaŭleńnia i adnaŭleńnia Ukrainy, pamiežnaj infrastruktury, raźvićcia tranzitnaha patencyjału, a taksama roznych aśpiektaŭ palityčnaha supracoŭnictva. Baki taksama damovilisia ab raźvićci supracoŭnictva ŭ abaronnaj pramysłovaści.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy11
Kamientary
ili ich budut otłavlivať po zavodam?? nu a kto nie chočiet tomu dubiny)))
tak skazať vypierdalenije - zamienim na Lehion))
vy choť počitajtie čto ukraincy pišut i kakije nastrojenija....
priedłahaju kommientatorov z naša nivy otpraviť v etot lehion piervymi!!