Biełaruś apynułasia ŭ śpisie krain, hramadzianam jakich možna budzie ŭkleić vizu Tajłanda ŭ aeraporcie, kali turystyčnaja pajezdka nie pieravyšaje 15 dzion. Infarmacyja pra heta apublikavanaja na sajcie Ministerstva zamiežnych spraŭ Tajłanda, piša «Anłajnier».
U ŚMI paviedamlajuć, što z 15 lipienia Tajłand pajšoŭ na značnyja pasłableńni dla turystaŭ z bolšaści krain śvietu. Jak piša vydańnie Novostiphuketa.asia, na istotnyja pasłableńni ŭ vizavych praviłach urad pajšoŭ na fonie adstavańnia ad prahnozaŭ pa roście ekanomiki.
Kolkaść biaźvizavych krain na 60 dzion vyrasła z 57 da 93. Taksama pašyrany śpis dziaržaŭ, hramadzianie jakich mohuć afarmlać vizu pa prylocie, — z 19 da 31. U ich liku apynułasia i Biełaruś.
Jość, adnak, niuans: termin znachodžańnia ŭ krainie pry takim varyjancie abmiežavany 15 dniami.
Na sajcie Ministerstva zamiežnych spraŭ Tajłanda paznačana, što košt vizy paśla prylotu składzie 2000 tajskich bat (kala $55). Ciapier adnarazovaja viza dla biełarusaŭ kaštuje $40 dalaraŭ, jašče 70 rubloŭ składaje konsulski zbor. Ci spatrebicca niešta akramia pašparta dla afarmleńnia vizy pa prylocie, pakul nieviadoma.
U hanarovym konsulstvie Tajłanda ŭ Minsku žurnalistu «Anłajniera» nie zmahli prakamientavać novaŭviadzieńnie, spasłaŭšysia na toje, što takoj infarmacyi supracoŭnikam pakul nie pieradavali.
Uvohule ŭžo niekalki hadoŭ chodziać čutki pra biaźvizavy ŭjezd dla biełarusaŭ u Tajłand, ale pakul usio spyniłasia na etapie pieramoŭ.
Ciapier termin atrymańnia turystyčnaj vizy składaje jak minimum 18 kalandarnych dzion. Patrabujecca vialiki śpis dakumientaŭ — avijabilety, apłačanaje braniravańnie žylla, vypiska z rachunku dla paćviardžeńnia finansavaha stanu, dazvoł na vyjezd dziciaci i h. d.
Pakiet dakumientaŭ prymaje konsulstva Tajłanda ŭ Minsku i nakiroŭvaje dla razhladu ŭ pasolstva ŭ Maskvie. Možna zrabić terminovuju turystyčnuju vizu «pad kluč» praz ahienctva.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha27
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128128
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary