Suśvietnyja ceny na kavu istotna vyraśli ŭ druhim kvartale hetaha hoda z-za mocnaj śpioki ŭ asnoŭnych rehijonach vyroščvańnia ŭ Azii. Kaciroŭki fjučarsaŭ na hatunak rabusta ŭ Łondanie da kanca červienia pavialičylisia na 18,1% u paraŭnańni z kancom sakavika. 6 červienia cana kantraktu dasiahała rekordnaj adznaki ŭ $4394 za tonu. Fjučarsy na arabiku padaraželi za try miesiacy na 20,6%, piša Nikkei Asia.
Asnoŭnaj pryčynaj skačka cen stała śpioka ŭ Paŭdniova-Uschodniaj Azii. Z krasavika siarednija tempieratury pavietra ŭ Vjetnamie, Tajłandzie i na Filipinach byli vyšejšyja za normu i dachodzili da 48 hradusaŭ Celsija.
U Vjetnamie fiermiery sutyknulisia z zasuchaj, jakaja moža paŭpłyvać na vosieński ŭradžaj. Skaračeńnie abjomaŭ vytvorčaści tolki ŭzmocnić dysbałans pamiž popytam i prapanovaj i pryviadzie da dalejšaha rostu cenaŭ.
Adznačajecca, što Vjetnam vyrablaje kala 40% suśvietnaha abjomu zierniaŭ rabusty, jakaja vykarystoŭvajecca dla padrychtoŭki raspuščalnaj kavy.
Chutka kava moža stać raskošaj
Łaza daŭhalećcia. Vinahrad pierastaje być ekzatyčnaj kulturaj dla Biełarusi
Navukoŭcy vyśvietlili, čamu śviet ustupaje ŭ šakaładny kryzis
«Takoj situacyi nie było z 1977 hoda». Jak rezki skačok cen na kakava-baby adbivajecca na šakaładkach u Biełarusi
Biełarusam prapanavali jahady ź Zimbabve pa 80 rubloŭ za kiłahram
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary