Alaksandr Łukašenka 23 lipienia padpisaŭ rasparadžeńnie ab likvidacyi nastupstvaŭ niebiaśpiečnych mietearałahičnych źjaŭ, paviedamiła jahonaja pres-słužba.
Łukašenka daručyŭ Ministerstvu enierhietyki:
- da 1 žniŭnia padklučyć da elektrazabieśpiačeńnia ŭsie abiastočanyja domaŭładańni;
- da 22 žniŭnia pieravieści časovyja schiemy elektrazabieśpiačeńnia ad dyzielnych hienieratarnych ustanovak na elektrazabieśpiačeńnie ad linij elektrapieradačy;
- da 31 śniežnia pravieści analiz stanu elektryčnych sietak i padrychtavać prapanovy ab pavyšeńni nadziejnaści elektrazabieśpiačeńnia adkaznych spažyŭcoŭ i nasielenych punktaŭ.
Taksama cełamu šerahu viedamstvaŭ i ŭstanoŭ daručyli zaviaršyć rabotu pa ačystcy lasoŭ ad burałomu:
- da 1 listapada — z dapamohaj sucelnych sanitarnych vysiečak;
- da 31 śniežnia — z dapamohaj vybaračnych sanitarnych vysiečak i ŭborak zachłamlenaści.
Ministerstvu pramysłovaści daručyli sumiesna z AAT «MAZ» da 1 listapada vyrabić i pastavić da 100 sartymientavozaŭ MAZ dla vyvazu draŭniny.
Što tyčycca abłvykankamaŭ, to im daručana «arhanizavać pryciahnieńnie hramadzian da praviadzieńnia rabot pa ŭborcy zachłamlenaści na adpaviednych terytoryjach», a taksama «zabiaśpiečyć adnaŭleńnie paškodžanych kapitalnych pabudoŭ (budynkaŭ, zbudavańniaŭ) i ich častak».
U Biełarusi z-za ŭrahanu zahinuli siem čałaviek
Paciarpiełym ad urahanu na Homielščynie mohuć dać rasterminoŭki na ramont
Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia
«Ludziam patrebna praca prafiesijanałaŭ». Cichanoŭskaja adreahavała na słovy Łukašenki pryciahnuć palitviaźniaŭ da likvidacyi zavałaŭ
Kruty: Boh pasłaŭ urahan, kab prezident paradavaŭsia, što stvoranaja im sistema vystajała
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES25
Kamientary