Palitviaźnia Uładzimira Hundara pazbavili čarhovaha karotkaterminovaha spatkańnia
Jon sam nie viedaje za što.
Palitviaźnia Uładzimira Hundara pazbavili čarhovaha karotkaterminovaha spatkańnia. Pra heta Radyjo Racyi stała viadoma z kołaŭ, blizkich da siamji palitviaźnia:
«U jaho ŭžo znoŭ było niejkaje pravaparušeńnie, z-za jakoha jaho pazbavili karotkaterminovaha spatkańnia, jakoje pavinna być jašče tolki ŭ vieraśni, ale napierad jaho ŭžo pazbavili. Jon sam nie viedaje za što. Navat ničoha nie tłumačyli, prosta skazali, što pazbavili i ŭsio. I navat nie viedaje na jaki termin».
Nahadajem, fihuranta «spravy Aŭtuchoviča» asudzili ahułam da 20 hadoŭ kałonii pa niekalkich kryminalnych spravach. Pa prybyćci ŭ kałoniju jaho niekalki razoŭ źmiaščali ŭ štrafny izalatar. Napačatku kastryčnika 2023 hoda stała viadoma, što Hundaru ŭzmacnili pakarańnie i pieraviali na turemny režym.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio44
Kamientary