Polšča nie płanuje abmiažoŭvać ujezd asabistych aŭtamabilaŭ ź biełaruskaj rehistracyjaj — Sikorski
Namieśnik kiraŭnicy Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška pravioŭ telefonnuju razmovu ź ministram zamiežnych spraŭ Polščy Radasłavam Sikorskim. Heta adbyłosia ź inicyjatyvy kiraŭnika polskaha źniešniepalityčnaha viedamstva, paviedamlajecca ŭ telehram-kanale APK.
Padčas hetaj razmovy ministr Sikorski padkreśliŭ, što Polšča:
-
adździalaje biełaruski narod ad režymu dyktatara i robić zachady, kab źmiakčyć umovy dla lehalizacyi biełarusaŭ;
-
budzie prytrymlivacca pazicyi nie abmiažoŭvać pierasiačeńnie hramadzianami Biełarusi biełaruska-polskaj miažy;
-
nie płanuje ŭvodzić zabaronu na vykarystańnie asabistych aŭtamabilaŭ ź biełaruskaj rehistracyjaj i ździajśniać ich kanfiskacyju, jak heta robicca ŭ dačynieńni da aŭtamabilaŭ z rasijskaj rehistracyjaj.
Adnačasova Radasłaŭ Sikorski zajaviŭ, što
Polšča prytrymlivajecca svaich patrabavańniaŭ da režymu Łukašenki — spynić mihracyjnuju vajnu, vydać złačyncu, jaki ŭčyniŭ zabojstva polskaha sałdata — a taksama dabivajecca vyzvaleńnia palitźniavolenych u Biełarusi, u tym liku aktyvista polskaj mienšaści Andžeja Pačobuta.
Pry hetym Sikorski dadatkova padkreśliŭ, što biełarusy źjaŭlajucca jeŭrapiejskim narodam i budučynia biełaruskaha naroda — u ahulnym jeŭrapiejskim domie.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary
Adzinyja adekvatnyja susiedzi Biełarusi nie toje, što Łatvija i Litva