Pry ŭjeździe ŭ Biełaruś smartfony ludziej padnosiać da dziŭnaj pryłady. Što heta?
Raskazvajem, jak heta moža pracavać i jakija tut mahčymaści ŭ siłavikoŭ.
Što adbyłosia?
Čytač «Našaj Nivy» raskazaŭ nam, što pry viartańni jaho siabroŭki ŭ Biełaruś na miažy, akramia standartnaha apytańnia, adbyłasia dziŭnaja reč. Siłaviki paprasili jaje razbłakavać telefon i padnosili toj «da niejkaj pryłady, padobnaj da płanšeta». Jaho tam trymali niejki čas. Pryłada vydavała niejkija huki. Paśla čałavieka adpuścili biez pytańniaŭ.
Siabroŭka, pryčym, u 2020-m nidzie nie ŭdzielničała. Tamu była vielmi ździŭlenaja tym, što adbyłosia.
Što heta moža być za pryłada?
«Kibierpartyzany» dy inicyjatyva Cyberbeaver skazali «Našaj Nivie», što nie viedajuć, jakaja heta moža być pryłada.
Jany rajać paśla takoha nadhladu pravieryć adkrytyja siesii, pamianiać paroli, skinuć smartfon da zavodskich naładaŭ.
My sami ŭ «Našaj Nivie» paśla kansultacyj z ekśpiertami schililisia da takoha tłumačeńnia. Pryłady, jakija sčytvajuć źviestki sa smartfonaŭ bieskantaktna (praz Bluetooth) i vyhladajuć jak płanšety, isnujuć daŭno. Naprykład, Logiccube F-Callxtract abo Cellebrite UFED. Heta viadomyja pryłady ad vialikich zachodnich kampanijaŭ, jakimi biełaruskija śpiecsłužby mahli vałodać daŭno, abo niejkija ich anałahi, naprykład, z Kitaja.
Nam ciažka mierkavać, pra jakuju madel i marku pryłady moža iści havorka, ale razbłakavany telefon, da jakoha nie padklučajuć kabiela, hetki ž uraźlivy, jak kali da jaho niešta padklučajuć — u sučasnym śviecie isnuje šmat biespravadnych interfiejsaŭ, jakija dajuć vialikija mahčymaści. Samyja papularnyja ź ich — Bluetooth i WiFi.
Takim čynam siłaviki mohuć spraščać sabie pracu — treba mieć tolki pryładu-płanšet biez dadatkovych kabielaŭ i dziesiać chvilinaŭ času, kab pahladzieć toje, što ich cikavić.
Naprykład, spampavać kantaktnuju knihu, pierapisać IMEI, IMSI (identyfikatar abanienta, zapisany na sim-kartu) i ICCID (unikalny numar sim-karty), usie čeki bankaŭskaj prahramy, mejły abo paviedamleńni ŭ mesendžarach u tekstavym vyhladzie.
Cellbrite taksama zajaŭlaje, što jaho pryłada moža skapijavać sim-kartu, jakaja staić u smartfonie, navat bieź pin-koda, ale my nie možam heta pravieryć. U aficyjnym dapamožniku niama adkazu.
Tearetyčna hetak ža možna i ŭstalavać niešta ŭ smartfon, ale takich prykładaŭ na rynku my nie adšukali.
Lubaja infarmacyja na hetuju temu važnaja dla biaśpieki biełarusaŭ. Tamu, kali vy niešta viedajecie bolš, kali sutykalisia z takim ci nastupstvami hetaha, pišycie redaktaru ŭ @nn_editor abo na poštu [email protected]. Ci ŭ pryvat tym redaktaram i žurnalistam «NN», jakich viedajecie asabista.
«Naša Niva» — bastyjon biełaruščyny
PADTRYMAĆ«Heta było dźvie hadziny, «da trusoŭ», z paniatymi». Jak prachodziać nadhlady i pravierki na miažy Biełarusi
Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii
«Surazmoŭcy sprabujuć stvaryć iluziju, što jany na maim baku». Biełarusy raskazali, jak prachodzili dopyty na miažy
Ciapier čytajuć
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?14
Kamientary
"my nie viedajem što heta, kali b viedali"...
Božački. Dy heta ŭsio što zaŭhodna. Kali vy razbłakujecie smartfon - vy dajecie POŬNY dostup da ŭsiaho što na im jość. I tam užo niama roźnicy "što heta". Bolš taho - nichto nie harantuje što kali nie razbłakavać smartfon - fsb/khb nie zmoža adtul ničoha vyčytać (praz uraźlivaści naprykład, možna pačakać 2 hady i vaš biaśpiečny smartfon stanie ... adkrytym dla kaho zaŭhodna). Uvohule smartfony heta adna z samych niebiaśpiečnych rečaŭ. Tolki da biełarusaŭ vielmi-vielmi pavolna dachodzić... praź śmierci i pasadki. Napeŭna jašče 30 hod treba budzie kab uciamili što nie treba siadzieć u FSBšnym telehramie... Nie treba siadzieć u VK/AK i što nie kupiš u BSSR pryładu jakaja biaśpiečnaja. I nie pryviazieš.