U biełaruskaha ofisa EPAM vyručka ŭpała na 42%, a prybytak — u 5 razoŭ
Vyručka ad realizacyi ŭ biełaruskim ofisie IT-kampanij EPAM u 2023 hodzie skłała krychu bolš za 550 młn rubloŭ. Za hod jana skaraciłasia na 42%: u 2022-m hety pakazčyk pieravyšaŭ 943 młn rubloŭ. Heta vynikaje z buchhałtarskaj spravazdačnaści kampanii, piša Office Life.
U paraŭnańni z 2021 hodam vyručka kampanii skaraciłasia bolš čym na pałovu: tady jana była roŭnaja 1251,7 młn rubloŭ.
Što tyčycca sukupnaha prybytku za minuły hod, to jon i ŭvohule skaraciŭsia ŭ piać razoŭ — da 20,2 młn rubloŭ. Kali ž paraŭnoŭvać z 2021 hodam, źnižeńnie jašče bolš istotnaje — u 10 razoŭ: tady jon pieravyšaŭ 200,5 młn rubloŭ.
Vałavy prybytak pamienšyŭsia z 155,7 młn da 35 młn rubloŭ. Čysty prybytak — amal z 87,5 młn da 18,3 młn rubloŭ. Pastupleńnie hrašovych srodkaŭ skaraciłasia za hod z 2,046 młrd da 1,556 młrd rubloŭ, u tym liku ad pakupnikoŭ — z 1,122 młrd da 977,5 młn rubloŭ.
Pa doŭhaterminovych aktyvach kampanii skaračeńnie za hod skłała 14% — da 108,4 młn rubloŭ. Skaraciŭsia amal na 40% i nieraźmierkavany prybytak: z 493,7 młn da 308,2 młn rubloŭ. Na kaniec 2021 hoda hety pakazčyk i ŭvohule składaŭ 937,2 młn rubloŭ.
U vyniku padzieńnie pakazčykaŭ pryviało da taho, što skaracilisia i padatki ad kampanii. U 2023 hodzie biełaruski ofis zapłaciŭ krychu bolš za 95 młn rubloŭ, heta na 44% mienš, čym hodam raniej, kali kampanija zapłaciła amal 170 młn rubloŭ.
Mienš na 40% vydatkavali i na apłatu pracy — kala 418 młn rubloŭ suprać 676,5 młn hodam raniej.
Siaredniaja kolkaść supracoŭnikaŭ biełaruskaha ofisa za 2023 hod paznačanaja 4965 čałaviek, a ŭžo ŭ biahučym hodzie — 4425.
Raniej stała viadoma, što na kaniec 2023 hoda aktyvy EPAM u Biełarusi składali amal $49,9 młn. Za hod jany skaracilisia na $7,4 młn. Za I kvartał 2024-ha ich košt aktyvaŭ źniziŭsia prykładna na $1,5 młn, da $48,5 młn.
Mienš stała i hrošaj na rachunkach u bankach Biełarusi. Kali na kaniec minułaha hoda suma pieravyšała $38 młn, za studzień — sakavik 2024-ha jana pamienšyłasia da $31 młn. A spravazdačnaść hłabalnaj kampanii za I kvartał pakazała, što ŭ cełym prykmietna skaracilisia vyručka i štat.
Na hetym fonie akcyi abvalilisia da ŭzroŭniu sakavika 2020-ha.
Pačynajecca sud nad bratam zasnavalnika EPAM. Jamu pahražaje da 15 hadoŭ
EPAM nie źbirajecca sychodzić ź Biełarusi, niahledziačy na ciažkaści. Masavych skaračeńniaŭ nie płanujecca
Akcyi EPAM abvalilisia da antyrekordnych značeńniaŭ
Amierykanskija inviestary pradajuć akcyi EPAM
U EPAM pakrysie skaračajecca vyručka i štat
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam7
Kamientary