Instytut litaraturaznaŭstva nastrojeny zmahacca z maciukami i maje dla hetaha mietady
Dyrektar Instytuta litaraturaznaŭstva imia Janki Kupały NAN Biełarusi Ivan Savierčanka na pres-kanfierencyi zajaviŭ, što ŭ Biełarusi vostra staić prablema ŭžyvańnia nienarmatyŭnaj leksiki i padzialiŭsia bačańniem, jak možna zmahacca z hetaj pošaściu.
«Što tyčycca sacyjalnych prablem, adna z važnych — heta złoŭžyvańnie ŭ sučasnym hramadstvie tak zvanaj nienarmatyŭnaj, abscennaj leksikaj.
Na žal, hetu leksiku možna pačuć usiudy — va ŭstanovach adukacyi, u hramadskich miescach, u siam'i. Navat z ekranaŭ televizaraŭ niekatoryja žurnalisty apraŭdvajuć, što abscennaja leksika — heta dobra, mat čaroŭny, u im kałasalnaja siła, zahadka i hetak dalej», — skazaŭ prafiesar.
«Asabliva — što tyčycca moładzi, tamu što moładździu časta hetaja leksika ŭsprymajecca jak absalutna narmalnaja, maładyja ludzi davoli časta ŭsprymajuć niecenzurnuju leksiku jak daninu modzie, jak svojeasablivy modny kod, jaki palahčaje kamunikacyju, padkreslivaje prynaležnaść da peŭnych sacyjalnych hrup», — padkreśliŭ jon.
Savierčanka kanstatavaŭ, što
«ŭžyvańnie takoj leksiki nie prosta zabaroniena normami marali… Heta toje, što zaśmiečvaje movu, razburaje moŭnuju sistemu i ŭ vyniku viadzie nie tolki da źbiadnieńnia moŭnaj sistemy — prablemu treba bačyć namnoha šyrej — viadzie da dehradacyi asoby, niepaŭnacennasci čałavieka».
Bačyć jon i šlachi vychadu z takoj biazradasnaj situacyi:
«Nam treba aktyŭna pracavać u hetym napramku, razam z kalehami-litaraturaznaŭcami papularyzavać tvory našych kłasikaŭ, pryciahvać da hetaj pracy škołu, viarnuć usio-taki takija tvorčyja pracy, jak pierakaz.
Na žal, my adznačajem siońnia, što ŭ moładzi tak zvanaje mazaičnaje, klipavaje myśleńnie. Treba pryciahvać da kultury».
Były palitviazień napisaŭ knihu pra dehradacyju ludziej u biełaruskich kałonijach i svoj turemny šlub
«Strašna, što moža apuścicca žaleznaja zasłona». Minskija padletki raskazali pra svajo žyćcio ŭ ciapierašniaj Biełarusi
«Vušami ŭ nas nie kormiać». Bondarava ciapier vajuje ź dziećmi: pahražaje im prastralanymi kaleniami i HUBAZiKam
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary