«Kamunarka» prakamientavali zakidy, što rasijskija školniki pjaniejuć ad jaje cukierak
Dniami źjaviłasia infarmacyja, što ŭ rasijskich školnikaŭ staŭ papularny ałkahol u cukierkach — jany skuplajuć butelečki ź likioram i kańjakom, pierš za ŭsio vytvorčaści minskaj fabryki «Kamunarka». Niekatoryja školniki ŭžo paśla pary cukierak nibyta adčuvajuć młosnaść i hałavakružeńnie, što źviazana z mocnym ałkaholnym apjanieńniem. Na «Kamunarcy» prakamientavali hetuju situacyju, piša «Anłajnier».
Na «Kamunarcy» prakamientavali, što horki šakaład z načynkaj «Šakaładnyja butelečki z kańjakom» i «Šakaładnyja butelečki ź likioram» vypuskajecca pa recepturach, uzhodnienych Ministerstvam achovy zdaroŭja Biełarusi.
Hetaja pradukcyja adnosicca da kandytarskich vyrabaŭ, a nie da ałkaholnaj pradukcyi. Uzrostavyja abmiežavańni na kuplu takich prysmakaŭ nie raspaŭsiudžvajucca:
«Pytańnie ŭžyvańnia dziećmi kandytarskich vyrabaŭ z utrymańniem ałkaholu adnosicca da zony adkaznaści baćkoŭ. Spažyvańnie takich vyrabaŭ, jak i lubych inšych praduktaŭ, pavinna być razumnym».
U kampanii adznačyli, što na ŭpakoŭcy paznačany padrabiazny skład praduktu, što dazvalaje pakupnikam zrabić uśviadomleny vybar.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary
I da,łakomitieś nie tieriaja hołovy.