U Vialikabrytanii praz try hady zapuściać pieršuju sietku aerataksi
U Vialikabrytanii płanujuć zapuścić pieršuju sietku elektryčnych aerataksi ŭ 2029 hodzie. Pra heta paviedamiła kampanija Vertical Aerospace.
Novaja sistema pavietranych haradskich pieravozak złučyć rajon Kanery-Uorf z hałoŭnymi transpartnymi vuzłami krainy — u tym liku z aeraportami Chitrou i Hatvik, a taksama z Kiembrydžam i Oksfardam.
Kampanija pradstaviła prajekt sietki i pakazała novuju madel pavietranaha aparata Vertical-Valo. Latalny aparat zmoža pieraadolvać bolš za 160 km pry chutkaści prykładna 240 km/h. Miarkujecca, što takija maršruty istotna skarociać čas pajezdak, jakija na ziamli mohuć zajmać da paŭtary hadziny: naprykład, pieralot pamiž Kanery-Uorf i Chitrou zojmie kala 12 chvilin.
Pieršy etap zapusku sietki płanujuć zrabić u pieršym kvartale 2029 hoda. Asnoŭnaja ŭvaha budzie nakiravanaja na najbolš zahružanyja transpartnyja napramki, dzie aerataksi zmohuć stać alternatyvaj pajezdkam pa pierapoŭnienych aŭtamahistralach.
Raniej, 18 listapada, stała taksama viadoma, što amierykanskaja kampanija Joby Aviation źbirajecca zapuścić padobny servis u Dubai ŭžo ŭ 2026 hodzie. Tam elektryčnyja pavietranyja taksi na batarejach buduć razhaniacca da 320 km/h i mieć šeść prapieleraŭ, dziakujučy čamu pajezdka z aeraporta Al-Maktum da centra horada skarocicca z 45 da 10 chvilin.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary