Na toje, što papularnyja mižnarodnyja sajty zabłakavanyja, źviarnuŭ uvahu kanał «MotolkoPomohi». Pry sprobie ich adkryć u mnohich žycharoŭ Biełarusi źjaŭlajecca zahłuška Mininfarma, piša kanał.
Megogo — ukrainski miedyja-servis dla prahladu filmaŭ, Airbnb — papularnaja płatforma dla braniravańnia žylla, na sajcie Battle.net možna było kuplać i hulać u hulni ad Blizzard, Hetzner — niamiecki pravajder.
Jak vyśvietliŭ dev.by, pryčynaj błakavańnia sajtaŭ Ministerstva pa padatkach i zborach nazyvaje zapazyčanaść pa padatkach.
Adznačajecca, što dostup da sajtaŭ moža być adnoŭleny, kali arhanizacyi pahasiać padatkovuju zapazyčanaść abo stanuć na ŭlik u padatkovym orhanie Biełarusi.
Activision-Blizzard i Airbnb abmiežavali pracu ŭ Biełarusi paśla pačatku vajny va Ukrainie. Blizzard spyniła prodažy hulniaŭ, a Airbnb spyniła ŭsie apieracyi ŭ Biełarusi i Rasii.
Kamientary